JEREMIA 51:58 - BIBEL JAMITA NA DENGGAN

⁵⁸ Giot pahornoponKu tu tano tembok ni Babel na togu i. Angka pintu ni horbanganna na timbo-timbo i surbuonKu noma i. Nada adong gunana usaho ni angka bangso, angke panganon ni api do karejo ni halahi i. Au Tuhan Na Markuaso madung mandok songon i.”

JEREMIA 51:58 ပူးပေါင်းရင်းမြစ်များ

MASMUR 127:1

Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

JESAYA 13:2

Pajongjong ma mandera porang di puncu ni dolok na gundul! Marsurak ma tu angka parajurit, jana patoltol ma tanganmu tanda ni na giot mangaroro halahi mamorangi kota na gakgak i jana mangonjar angka horbanganna.

JESAYA 47:13

Madung sorat ho hara ni bahat ni sipaingot. Piohon ma antong angka partondung, anso malua ho. Diparsiajari halahi do angka bintang, jana ditontuhon batas ni langit na hembang. Ganop bona ni bulan na imbaru diramal halahi ma bagianmu.

JESAYA 65:23

Manjadi do sude na nikarejohon ni halahi, jana angka dakdanak ni halahi pe nada hona mara. PasupasuonKu ma halahi dohot pomparan ni halahi ro di salolot-lolotna.

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

JEREMIA 51:64

lalu dok ma hatana, ‘Songon on ma na giot tarjadi tu Babel. Bonom ma luat on jana nada mulgap be hara ni parmaraan na nitimpalkon ni Tuhan tusi. Olat ni on ma hata ni si Jeremia.’ ”

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

ANDUNG 5:5

Songon dorbia, dipaksa hami karejo na borat, loja hami, hape nada tola maradian.

HABAKUK 2:13

Marloja-loja angka bangso na nitaluhonmu nada adong gunana, jana abis dipangan api do sude na nipajongjongna. Giot ni Tuhan Na Markuaso i do sudena i.