JEREMIA 51:50 - BIBEL JAMITA NA DENGGAN

⁵⁰ Didok Tuhan ma tu halak Israel di Babel, “Madung malua hamu sian pamunuon! Jadi, kehe ma hamu saonnari! Ulang be painte hamu! Haru pe dao hamu sian bagas, ingot hamu tu Au Tuhanmunu dohot tu Jerusalem.

JEREMIA 51:50 ပူးပေါင်းရင်းမြစ်များ

MASMUR 122:6

Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JESAYA 52:2

Paspaskon ma abu na lohot di pamatangmi, ngot ma ho, ale Jerusalem na nitaban! Talduskon ma ihot-ihot sian rungkungmu, ale boru Sion na tartaban!

JEREMIA 31:21

Baen ma tanda ni dalan, jana baen ma parningotan jalahi ma dalan na nibolusmu hian. O ale Israel, mulak ma ho! Ulahi ma mangingani angka kotamu humani.

JEREMIA 44:28

Hum piga-piga halak sajo noma na giot malua jana mulak tu Juda sian Mesir. Jadi idaon ni halahi ma sanga hata ni halahi do na tarjadi sanga na hatangKu.

JEREMIA 50:8

O hamu halak Israel, lojongi hamu ma sian Babel! Pajolo hamu ma kehe, anso mangihut na asing i.

JEREMIA 51:45

Hara ni i, lojongi hamu ma sian i, ale halak Israel! Palua hamu ma dirimunu maradopkon muruk ni rohangKu na dung gilap.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEHESKIEL 6:9

Disi, di tonga-tonga ni angka bangso, tu dia halahi na tartaban i dioban, angka halak na malua sian tonga-tongamunu angkon mangingot Au. PaulakonKu do muse roha ni halahi na markarosuan i, na dung mandao sian Au jana manundali halahi, na tongtong markarosuan mangihutkon gana-ganaan ni halahi, dung i gabe goyak ma roha ni halahi mida dirina sandiri hara ni sude hajahatan dohot hajorbutan ni halahi.

DANIEL 6:11

Dung dibege si Daniel taringot tusi, mulak ma ia tu bagasnia. Biliknia na di tingkat parginjang, adong do angka jandelana na mangadop tu sabola Jerusalem. Jana songon na somal, sai martangiang do ia tolu noli sadari jana marsinggang di jolo ni angka jandela na tarbuka i.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!