JEREMIA 51:5 - BIBEL JAMITA NA DENGGAN

⁵ Au Debata, Tuhan Na Markuaso, Debata Na Badia ni Israel, nada tadingkononKu Israel dohot Juda haru pe na dung mardosa halahi tu Au.

JEREMIA 51:5 ပူးပေါင်းရင်းမြစ်များ

1 RAJA-RAJA 6:13

Maringanan ma Au di bagas na nipauliMi gabe tongtong Au di tonga-tonga ni bangsongKu Israel. Nada tinggalkononKu halahi.”

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

ESRA 9:9

nada ditadingkon Ho hami, gabe hasian ni angka raja ni Persia do hami dibaen Ho jana dipaloas hami mangolu dohot mambangun mangulahi BagasMon na tinggal gabe tapor-tapor i. Dilehen Ho do dihami parlinggoman dison, di Juda dohot di Jerusalem on.

MASMUR 94:14

Angke nada ra Tuhan i mangambungkon bangsoNa, jana nada tadingkononNia nampunaNia sandiri.

JESAYA 44:21

“Ale Israel, ingot ma tongtong, na Hubaen ho naposongKu. Tutu do, ho ma antong naposongKu nada be ho halupahononKu.

JESAYA 51:15

Harana Au do Tuhan Debatamu, Au do namangatur laut jana mambaen marsasak galumbangna. Tuhan Na Markuaso do goarNa.

JESAYA 62:12

Goaron ma halahi: ‘Bangso Ni Debata’, ‘Bangso Na Nipalua ni Tuhan’. Goaron ma Jerusalem ‘Kota na nihalungunan’, ‘Kota na so nitadingkon ni Tuhan’.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”

JEREMIA 16:18

BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JEREMIA 19:4

Angke madung ditadingkon halahi Au, madung dilehen halahi inganan on tu debata na asing, jana madung manghaulkon haul situtungon halahi tu debata na asing i. Na so tinanda ni ompu ni halahi dohot angka raja ni Juda. Madung dihodari halahi muse inganan on marhite mudar ni halak na so marsala.

JEREMIA 23:15

Didok Tuhan Na Markuaso i ma, “Na giot lehenonKu ma tu halahi suan-suanan na paet sipanganonna dohot rasun siinumonna, angke patunda ni halahi ma umbaen na so dipasangap angka jolma na di luat on sudena Au.”

JEREMIA 31:37

Sugari di sada hatiha bolas suhaton langit i, jana ojahan ni tano tarsihiri, di hatiha i ma tulahonKu Israel hara ni sude parbuatan ni halahi na jahat i. Au Tuhan, madung mandok songon i.”

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

JEHESKIEL 8:17

Didok Tuhan ma tu au, “Diida ho dehe i, ale jolma parsantongkinan? Nada puas dope pangkilalaan ni angka halak Juda on anggo hum angka pangalaho sihagigian i sajo dope dibaen halahi dohot mambaen tindakan na so mananda holong ni roha tu donganna jolma di sude luat i. Dipambaeni halahi do sudena i dison, di bagasan BagasKu jana i ma dalanna umbaen na mur gilap Huhilala. Ligi ma sanga na bia dibaen halahi palayas Au marhite pangalaho na jumorbut on!

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

HOSEA 2:1

Dokkon ma tu donganmu halaklahi, “Ami!” jana tu donganmu dadaboru, “Ruhama!”

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

ZAKARIA 12:6

Anggo di ari i, baenonKu ma angka ripe ni Juda songon api di harangan sanga di ladang ni gandum na gumorsing; putusan ni halahi ma angka bangso na humaliang halahi. Tapi anggo halak na maringanan di Jerusalem tongtong do sonang di bagasan kota.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

ZAKARIA 2:12

Sanoli nari gabe nampuna hapunjungan ni Tuhan ma Juda di tanoNia na badia i, jana Jerusalem gabe kota na sumurung dihaholongi Ia.

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.