JEREMIA 51:47 - BIBEL JAMITA NA DENGGAN

⁴⁷ Pos ma rohamunu, dapot do i hatihana uhumanKu angka gana-ganaan ni Babel. Sude luat i marlayas, jana sandok halak na disi hona bunu.

JEREMIA 51:47 ပူးပေါင်းရင်းမြစ်များ

JESAYA 21:9

Ligi, indu ma halahi! Parangan na markudo ro mardua-dua. Dung i ro ma panjago i paboahon, “Madung madabu Babel! Madung marragean angka patung na nisomba ni halahi i di tano.”

JEREMIA 11:22

Jadi hara ni i, didok Tuhan Na Markuaso i ma, “UhumanKu ma halahi! Marmatean di parporangan ma angka doli-doli ni halahi; angka dakdanak ni halahi mate tangkuraparon.

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 23:34

Betak sai adong dope sahalak sian bangsongKu sanga panurirang bope malim na laing manaringoti salaho tu ‘boban ni Tuhan’, jadi niuhuman ma ia dohot dongan sabagasna.

JEREMIA 25:12

Dung i uhumanKu ma bangso Babel dohot rajana i hara ni dosa ni halahi. RumpakkononKu ma luat i jana padiaronKu sego sapanjangna.

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

JEREMIA 51:18

Nada mararga angka gana-ganaan, patut do niincahan jana nilayasan. Muda dapot di hatihana, mago muse ma halahi sudena.

JEREMIA 51:24

Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

JEREMIA 51:43

Gabe inganan na jorbut noma angka kotana, tudos tu padang halongonan na harsang. Nada adong halak na ra maringanan sanga mamolus disi.

JEREMIA 51:52

Antong parrohahon hamu ma na Hudokkon on. Ro do i hatihana, uhumanKu angka gana-ganaan ni Babel; tarbege ma di sude luat i pangangguk ni jolma na margasa banga.