JEREMIA 51:46 - BIBEL JAMITA NA DENGGAN

⁴⁶ Ulang hamu mabiar sanga sak rohamunu hara ni angka barita na so tutu na nibegemunu. Ganop taon sai sar do barita na paasing-asing taringot tu hakejamon na masa di bagasan luat dohot taringot tu angka raja-raja na sai maralo.

JEREMIA 51:46 ပူးပေါင်းရင်းမြစ်များ

2 RAJA-RAJA 19:7

Patubegehonon ni Tuhan ma sada barita tu raja Asur na mambaen ia mulak tu luatnia sandiri jana mate hona bunu ma ia disi.”

2 JUJUR TAON 20:23

Dialo tentara ni Amon dohot Moab ma tentara ni Edom jana abis sude mate disaroso halahi. Dung i marbalik muse ma halahi marsihantaman jebu songon i na sada tu na asing.

JOB 23:16

Ma abis diluntak Na Markuaso i sude habaranionku. Mabiar do au hara ni Debata, jana nada i hara ni na golap bulita, haru pe hagolapan manghuliangi au jana manggupgupi bohingku.

PODA 24:10

Jolma na mandele di bagasan pangalaho na sompit, i ma halak na tutu situtu gale.

JESAYA 19:2

Didok Tuhan, “PamasaonKu ma na marsiporangan di Mesir. Marsibunuan ma na sada tu na asing angka na markahamaranggi, jana na pahombar tu hombarna. Angka kota na maralo, marsiporangan noma jana angka raja-rajana marsibunuan, marsirampasan kuaso ma.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JEREMIA 46:27

“Ale Israel bangsongKu, ulang humitir sanga mabiar hamu! PaluaonKu noma hamu sian luat na dao, disi ditaban hamu. Mulak noma hamu jana sonang maringanan di tanomunu. Mangolu ma hamu di bagasan sonang; nada adong be na porlu sihabiaran.

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

LUKAS 21:28

Jadi muda dung mamungka tarjadi na songon i, jongjong ma ho jana padorgak hamu ma ulumunu, angke santongkin nari paluaon ma hamu.”

HAKIM-HAKIM 7:22

Di na nipalu ni si Gideon dohot angka donganna i sarune i, dibaen Tuhan ma tentara ni musu i marsialoan na sada tu na asing marsitampulan dohot podang. Marlojong ma halahi adop Zarerah lopus tu Bet-Sita dohot kota Abel-Mehola na di lambung Tabat.