JEREMIA 51:45 - BIBEL JAMITA NA DENGGAN

⁴⁵ Hara ni i, lojongi hamu ma sian i, ale halak Israel! Palua hamu ma dirimunu maradopkon muruk ni rohangKu na dung gilap.

JEREMIA 51:45 ပူးပေါင်းရင်းမြစ်များ

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

JEREMIA 50:8

O hamu halak Israel, lojongi hamu ma sian Babel! Pajolo hamu ma kehe, anso mangihut na asing i.

JEREMIA 51:50

Didok Tuhan ma tu halak Israel di Babel, “Madung malua hamu sian pamunuon! Jadi, kehe ma hamu saonnari! Ulang be painte hamu! Haru pe dao hamu sian bagas, ingot hamu tu Au Tuhanmunu dohot tu Jerusalem.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

ZAKARIA 2:7

Kehe ma hamu tu Sion palua ma dirimu, ale pangisi ni Babel.

BILANGAN 16:26

Didok si Musa ma tu halak Israel, “Mandao ma hamu sian bandar ni halak na jahat on jana ulang dais hamu sanga tu aha pe arta ni halahi. Muda nada dioloi hamu pusaon ma hamu rap dohot halahi hara ni dosa ni halahi.”

BAENON NI ANGKA RASUL 2:40

Songon i ma dipatorang si Petrus tu halahi dohot ragam-ragam pandohan na asing, jana dipaingot ia halahi, ninna ma, “Sai ra ma hamu nipalua sian sundut na jahat on.”

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!