JEREMIA 51:42 - BIBEL JAMITA NA DENGGAN

⁴² Mangalantap ma aek ni laut tu Babel; gumadobur angka galumbangna i mangalingkup luat i.

JEREMIA 51:42 ပူးပေါင်းရင်းမြစ်များ

MASMUR 18:16

Sian ginjang disurduhon Tuhan tanganNa tu au, sian aek na bagas ditarik Ia au.

MASMUR 18:4

Mara hamatean manghaliangi au ombak parmaraan mangaliputi au.

MASMUR 65:7

Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

MASMUR 93:3

Ale Tuhan, pio-pio do tandolan ni laut, marsurak jana gumadobur.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JEREMIA 51:55

Husarsarkon Babel jana Huhuntam. Parro ni musuna pe songon galumbang na gumadobur, jana mangaroro ma i mardongan sora ni panggora ni porang.

JEHESKIEL 26:3

Didok Tuhan Debata i ma, “Au ma musumu, ale Tirus! ObanonKu ma bahat bangso laho mamorangi ho, jana parro ni halahi songon ombak ni laut.

DANIEL 11:10

Jadi marhobas ma angka anak ni raja ni Siria laho marporang dohot mambaen tentara na bahat. Maju ma sada sian halahi margalusak songon aek magodang torus mamorangi benteng ni musu.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

LUKAS 21:25

“Saulahon adong ma angka tanda tarida di mataniari, di bulan dohot di angka bintang i. Di tano on pe hempot be ma angka bangso jana mabiar be hara ni husasak dohot ombak ni laut.