JEREMIA 51:41 - BIBEL JAMITA NA DENGGAN

⁴¹ Didok Tuhan ma, “Madung talu Babel na tarpuji i di sandok portibi on! Jorbut ma da luat i di angka bangso.

JEREMIA 51:41 ပူးပေါင်းရင်းမြစ်များ

2 JUJUR TAON 7:21

Jana Bagas paribadatan na dipasangap on saonnari, gabe mambaen longang halak na mamolus dison jana tarsonggot. Dokkonon ni halahi ma, “Biasi songon i baenon ni Tuhan ulaning tu luat on dohot tu bagas on?”

JESAYA 13:19

Sian sasude harajaan, Babel ma na jumeges, jana na gabe hagodangan ni roha ni halak na manginganisa. Tapi Debata, giot mambalikkonsa, songon na dung dibaen maradopkon Sodom dohot Gomora.

JESAYA 14:4

Muda dung dipatulus Tuhan songon i, angkon incahan ni halahi do raja ni Babel mandok songon on: “Madung madabu raja na jahat i! Nada tarbaensa be mamparhanciti.

JEREMIA 49:25

Kota na bonggal jana na gok jop ni roha i, saonnari gabe mamolngit nada adong na mangingani.

JEREMIA 50:23

Sandok tano on maropuk dipotuk Babel. Saonnari madung maponggol potuk-potuk i! Tarsonggot ma sandok bangso umbege na tarjadi tu luat i.

JEREMIA 50:46

Muda madabu Babel, tarbege ma hagaoron na lobi gogo jabat humutur portibi on; begeon ni angka bangso na asing ma angguk ni halahi.”

JEREMIA 51:37

Timbunan ni na marsegoan noma luat i, inganan partabunian ni anjing riar. Jorbut hilalaon ni halak marnidasa jana sahalak pe nada adong na ra maringanan disi.

JEHESKIEL 27:35

Sude halak na maringanan ditopi ni laut humitir umbege bagianmi. Angka raja ni halahi pe sun biarna; tarida di bohi ni halahi langan hara ni biarna.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

PANGARATAION 28:37

Tarsonggot be ma angka jolma na marnida ho di inganan parserahanmunu dibaen Tuhan paida-ida na masa di ho; siincak-incahan ni halak ma ho jana sipartataanna.