JEREMIA 51:36 - BIBEL JAMITA NA DENGGAN

³⁶ Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

JEREMIA 51:36 ပူးပေါင်းရင်းမြစ်များ

MASMUR 107:33

Mahiang dibaen Ia angka batang aek lopus marigang, nada ro be aek sian baba ni mual.

MASMUR 140:12

O Tuhan, huboto do tangkas Ho pambela ni halak na pogos dohot na dangol, diurupi Ho do parkaro ni halak na hona sosak.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

PODA 23:11

Harana, Tuhan do pambela na gogo; Debata do na mambela halahi laho mangalo ho.

JESAYA 19:5

Surut ma aek ni Batang aek Nil jana mur lolot mur mahiang.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 44:27

‘Hesut!’ ningKu tu tandolan ni laut, ‘Angka batang aekmu pe pahiangonKu.’

JEREMIA 50:38

Sude batang aek angkon mahiang angke gok do Babel dibaen angka gana-ganaan na jorbut, na mambaen rintik angka na mamele tusi.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEHESKIEL 25:14

PakeonKu Israel laho palalu hosom maradopkon Edom, jana pamasaon ma tu Edom hombar tu parpiar ni murukKu. Botoon ni Edom ma sanga songon dia daina na gabe hahonaan ni murukKu. Au Tuhan Debata madung mandok songon i.”

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

HALUMBAAN 16:12

Dung i diduruskon surusuruan na paonomkon i ma isi ni sambongnia i tu Batang aek Efrat na godang i. Gabe mahiang ma batang aek i, lopus tardalani angka raja na sian Habincaran.