JEREMIA 51:34 - BIBEL JAMITA NA DENGGAN

³⁴ Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 51:34 ပူးပေါင်းရင်းမြစ်များ

JOB 20:15

Arta na nitangko na nibondutna, tarpaksa ma diutahonsa; diparuar Debata ma sian bagasan butuhana.

MASMUR 74:13

Marhite gogo na so hatudosan, mabola laut dibaen Ho, ulu ni naga laut marropukan dipotuki Ho.

PODA 1:12

Saonnari sonang jana sehat do halahi, tapi annon gabe songon na mate.

JESAYA 34:11

Sipauk dohot undan noma na maringanan disi. Kosong ma baenon ni Tuhan tano i jana harsang songon na salpu i dompak so panompaon.

JESAYA 42:22

Hape mangabis hona samun bangso i, tarjorat halahi, madabu martinggangan, hona tangkup halahi jana ditahan di hurungan; madung gabe talu halahi, jana nada adong na paluahon, gabe rampasan jana nada adong na mandok: ‘Paulak ma.’

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

JEREMIA 51:49

Babel do boncir ni hamatean ni angka jolma di tano on sudena, hape madabu noma ia saonnari, hara ni na dung mambaen boncir hamamate ni bahat halak Israel. Au Tuhan, madung mandok songon i.”

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

ANDUNG 2:16

Margoyak ni roha sude musumu mangida bohimi, dipartatai halahi do ho jana disurahi. Didok halahi, “Ma pola hami luntak kota i! Ujungna dapot ma hatiha na hami painte i!”

JEHESKIEL 36:3

Hara ni i manyurirangi jana dokkon ma: Songon on ma didok Tuhan Debata. Hara ni musu na di humaliangmu, na mambaen hamu mamolngit jana na marpor ni roha tu hamu anso gabe nampuna ni angka bangso, jana madung dipahata-hata halak hamu.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.

AMOS 8:4

Tangihon ma, hamu angka na mandege-dege halak na pogos, jana na mangagohon halak na dangol di luat on.

NAHUM 2:2

Satutuna do na giot pasuangon ni Tuhan hagodangan ni si Jakob songon hagodangan ni Israel, anso mulak songon najolo taran so dirampas angka musu.)

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [