JEREMIA 51:33 - BIBEL JAMITA NA DENGGAN

³³ Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

JEREMIA 51:33 ပူးပေါင်းရင်းမြစ်များ

JESAYA 18:5

Dompak so musimna mamutik angka batu ni hayu, dung marurusi angka bungana jana dompak so mamutik batu ni anggur di bonana, roncohonon ni musu ma Sudan, songon pangkorot ni piso di angka ranting sian bona ni anggur.

JESAYA 21:10

Bangsongku Israel! Ma hona dege-dege ho songon burir ni gandum. Saonnari hupaboa ma tu ho jamita na denggan na hubege sian Tuhan Na Markuaso i, Debata ni Israel.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JEREMIA 51:32

Inganan panyiborangan pe madung diingani musu, jana angka benteng partahanan disurbui. Golap be roha ni tentara ni Babel.

HOSEA 6:11

Taringot tu hamu ale halak Juda, madung Hutontuhon hatihana manguhumi hamu laing hara ni parbuatanmu.”

JOEL 3:13

Na lobi do jahat ni halahi; rabi ma halahi songon gandum na matobang di ladang. Ropuk ma halahi songon anggur di pangilangan na bubung lopus masabur.

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

MIKA 4:12

Tapi na so diboto ni angka bangso i do sanga aha na di bagasan sangkap ni Tuhan. Sian na so pamotoan ni halahi, na dipalagut do halahi anso diuhum, tudos tu gandum na dilunggukkon anso didege.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

HABAKUK 3:12

Di na panyogo-nyogoon diliati Ho tano; Hara ni sogo ni rohaMu didege-dege Ho angka bangso.

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 13:39

Alo ni na manyabur simareme-eme i, i ma Sibolis. Sabion i ma ajal ni hasiangan. Angka panyabi i, i ma angka surusuruan.