JEREMIA 51:30 - BIBEL JAMITA NA DENGGAN

³⁰ Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 51:30 ပူးပေါင်းရင်းမြစ်များ

MASMUR 107:16

Diparrumpakkon Ia angka pintu tumbaga, angka palang bosi diparropukkon Ia.

MASMUR 147:13

Dipatogu Ia do angka pintu ni horbanganmunu, jana dipasupasu Ia halak na manginganisa.

MASMUR 76:5

Madung dirampasi Ho angka halak na barani, tarsinok be halahi jana nada tarsunggul be i. Angka tentara na barani madung mago gogona i.

JESAYA 19:16

Dapot do hatiha ni i, gabe songon dadaboru parila jana parmombut bangso Mesir. Mabiar noma halahi muda diidasa Tuhan Na Markuaso i mangambalkon tanganNa laho manguhumi halahi.

JESAYA 47:14

Satutuna, songon durame na nitutung ni api do halahi, nada tarpalua halahi dirina sandiri. Milas ni apina nada na boti-boti, nada songon parsisuduan milas ni i.

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

JEREMIA 51:32

Inganan panyiborangan pe madung diingani musu, jana angka benteng partahanan disurbui. Golap be roha ni tentara ni Babel.

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

AMOS 1:5

SegohononKu angka pintu horbangan ni Damaskus jana paorotonKu halak na tinggal di Rura Awen sian inganan ni halahi. PaijuronKu sian habangsana parkuaso na di Bet-Eden, jana halak Siria tabanon lalu dioban tu Luat Kir.”

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”