Songon na mabuk ma tano on mambal-ambal, jana humutur-hutur songon sopo na buruk na niombus ni alogo. Marumpak ma tano on hara ni dokdok ni dosana. Maronco ma i jana nada mulak be sumuang.
Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (
Angkon bunuon sude angka panurirang ni Babel, angke pargabus do halahi jana na oto. Tentara ni Babel pe angkon laing bunuon do; mabiar do halahi sudena.
Hara ni i, tangihon ma sanga aha na dung Husangkaphon maradopkon kota Babel dohot na giot baenonKu tu angka halak na disi. Angka dakdanak ni halahi pe saraton do kehe jana sandok jolma gabe mabiar.
Nada adong sada batu pe sian rumpak-rumpakmu na tarpake be laho mambangun. Gabe tarsongon padang halongonan noma ho sapanjangna. Au Tuhan, madung mandok songon i.”
Parade ma angka bangso laho marporang mangalo Babel. Piohon angka raja ni Media dohot angka pamimpin maradu angka pagawena, dohot tentara sian sude luat na nirajaan ni halahi.
Timbunan ni na marsegoan noma luat i, inganan partabunian ni anjing riar. Jorbut hilalaon ni halak marnidasa jana sahalak pe nada adong na ra maringanan disi.
Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”
Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.
Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”
Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.