JEREMIA 51:28 - BIBEL JAMITA NA DENGGAN

²⁸ Parade ma angka bangso laho marporang mangalo Babel. Piohon angka raja ni Media dohot angka pamimpin maradu angka pagawena, dohot tentara sian sude luat na nirajaan ni halahi.

JEREMIA 51:28 ပူးပေါင်းရင်းမြစ်များ

PAMUNGKAAN 10:2

Angka on ma anak ni si Jafet: Si Gomer, si Magog, si Madai, si Jawan, si Tubal, si Mesek dohot si Tiras. Halahi ma na gabe ompu di angka bangso na nigoaran mangihutkon goar ni halahi.

1 JUJUR TAON 1:5

Angka anak ni si Jafet i ma si Gomer, si Magog, si Madai, si Jawan, si Tubal, si Mesek dohot si Tiras.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

ESTER 10:2

Sude pambaenannia na godang jana na jebu i songon i muse barita salaho tu pangangkatnia di si Mordehai gabe pagawe tinggi sudena, tarsurat do i di bagasan Buku Sejarah Ni Angka Raja-raja ni Persia dohot Media.

JESAYA 13:17

Ligi ma, “PabangkitonKu do bangso Madai laho mamorangi Babel. Nada mampan tu halahi na mangalehen perak sanga sere baen suruk.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 50:41

Sian luat na dao di Utara, ro ma sada bangso na gogo. Bahat do raja na ro rap dohot halahi. Ma pola hobas halahi manyintak sinjatana.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 51:27

“O ale raja na sian Utara! Lehen ma tanda laho manyerang! Palu ma sarune anso dibege angka bangso! Arahon ma angka bangso laho marporang mangalo Babel! Suruhon ma harajaan Ararat, Mini dohot Askenas manyerang. Angkat ma sada halak ulubalang laho manguluhon porang i. Oban ma kudona sabahat ni siapor.

JEREMIA 51:29

Humutur jana manggulsak ma tano hara ni na Hudalankon sangkapKu laho mambaen Babel gabe inganan na harsang na so diingani jolma.

DANIEL 6:1

Dung hona bunu si Belsasar, dirampas si Darius halak Media ma habangsa ni harajaan i. Marumur onom pulu dua taon ma ia di hatiha i.

DANIEL 6:8

Hami sude na angka gubernur, angka wakil ni gubernur dohot angka na maniop jabatan na asing, madung martahi hami laho mangusulkon anso diparuar raja i surat parenta na mandok angkon oloan sian situtu ni roha. Diparentahon raja i ma nian sugari, anso di bagasan tolu pulu ari sada halak pe nada tola palalu pangidoan tu sada sian angka debata sanga tu jolma, asing ni na tu raja i sandiri. Sanga ise na mangalanggar parenta i ambungkonon ma tu bagasan liang ni singa.

DANIEL 8:20

Biri-biri jantan na niidami, na martanduk dua, i ma manggambarkon harajaan Media dohot Persia.

DANIEL 9:1

Di taon parjolo hatiha mamarenta Raja Darius, anak ni si Ahasweros, pomparan ni halak Media na dung gabe raja di halak Kasdim.