JEREMIA 51:27 - BIBEL JAMITA NA DENGGAN

²⁷ “O ale raja na sian Utara! Lehen ma tanda laho manyerang! Palu ma sarune anso dibege angka bangso! Arahon ma angka bangso laho marporang mangalo Babel! Suruhon ma harajaan Ararat, Mini dohot Askenas manyerang. Angkat ma sada halak ulubalang laho manguluhon porang i. Oban ma kudona sabahat ni siapor.

JEREMIA 51:27 ပူးပေါင်းရင်းမြစ်များ

PAMUNGKAAN 10:3

Pomparan ni si Gomer ma bangso Arkenas, bangso Rifat dohot bangso Togarma.

PAMUNGKAAN 8:4

Di ari pitu bolas bulan papituhon mantul ma kapal i di sada dolok di Luat Ararat.

2 RAJA-RAJA 19:37

Sanoli hatiha maribadat ia di bagasan pamelean ni Debata Nisroh, dibunu si Adramelek dohot si Sareser anaknia ma ia dohot podang. Dung i kehe ma halahi maporus tu Luat Ararat. Gabe si Esarhadon anaknia na asing ma gabe raja manggonti ia.

1 JUJUR TAON 1:6

Pomparan ni si Gomer i ma halak Askenas, Difat dohot Togarma.

JESAYA 18:3

Hamu sude angka na maringanan di tano on! Parrohahon hamu ma muda dung dipanaek mandera di puncut ni angka dolok! Tangihon hamu ma muda dipalu sarune!

JESAYA 37:38

Sanoli dompak marsomba ia di bagasan pamelean ni Debata Nisroh, hona bunu ma ia dibaen podang ni si Adramelek dohot si Sareser, angka anaknia do i. Dung i lari ma halahi tu Luat Ararat. Jadi anaknia na asing ma gontinia gabe raja, i ma na margoar si Esarhadon.

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 46:23

jana songon na mangarabi harangan godang lopus sae sude. Nada taretong bahat ni tentara ni musu i, umbahat sian siapor. Au Tuhan mandok.

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

JEREMIA 50:3

Na giot ro ma sada bangso sian Utara mamorangi Babel jana mambaen luat i gabe padang na harsang. Marlojongi ma jolma dohot pahan-pahanan jana nada adong be na ra maringanan disi.”

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JEREMIA 51:12

Lehen ma tanda laho manyerang angka tembok ni Babel. Pagomos panjago. Baen pangawal. Markobas ma mambulutkon!” Madung didalankon Tuhan sanga aha na disangkaphonNia maradopkon Babel.

JEREMIA 51:14

Marsumpa do Tuhan Na Markuaso i mangasahon goarNa sandiri bahaso na giot tongosonNia jolma sabahat ni siapor laho manyerang Babel jana marsurak ma halahi manyurakkon hamonangan.

JEREMIA 51:28

Parade ma angka bangso laho marporang mangalo Babel. Piohon angka raja ni Media dohot angka pamimpin maradu angka pagawena, dohot tentara sian sude luat na nirajaan ni halahi.

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JOEL 3:9

Pabotohon ma boa-boa on tu angka bangso: Markobas ma marporang dohot mangasahon gogo! Pajuju hamu ma angka na malo marlojong dohot angka ulubalang; palagut sude angka parajurit, beta ma, maju ma!

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

ZAKARIA 14:2

Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.

HAKIM-HAKIM 6:5

Marudut-udut marroan angka jolma i dohot unto bope kemah ni halahi sun bahatna – nada taretong hara ni bahatna. Marroan halahi manyegohon luat i,