JEREMIA 51:24 - BIBEL JAMITA NA DENGGAN

²⁴ Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

JEREMIA 51:24 ပူးပေါင်းရင်းမြစ်များ

MASMUR 79:10

Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

JESAYA 48:14

Marlagut ma hamu sude jana tangihon ma, ise dehe sian tonga-tonga ni halahi na paboahon sasudena i? Ia, na dihaholongi ni Tuhan i do na giot patuluskon hagiot ni Tuhan maradopkon Babel, jana na patuduhon hagogoon ni tangan ni Tuhan maradopkon halak Kasdim.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JESAYA 66:6

Tangihon ma! Adong sora na gumadobur di kota, adong sora sian BagasKu. I ma da sorangKi na topet manguhumi musu i!

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 50:10

Rampasonna noma Babel jana pambuatan ni pangarampas i ma sanga na aha giot ni rohana, Au Tuhan, madung mandok songon i.”

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 51:23

Hupake do ho laho mangabisi parmahan dohot pahan-pahananna, partani dohot lombu pangaloncana, parkuaso dohot halak na godang di tonga-tonga ni bangso.”

JEREMIA 51:35

Dokkon ma, ale halak na maringanan di Sion, “Sai dituntut Tuhan ma nian Babel hara ni hakejamonnia maradopkon hita!” Dokkon ma ale Jerusalem, “Sai dituntut Tuhan ma nian Babel hara ni parkancitan na hita taon!”

JEREMIA 51:49

Babel do boncir ni hamatean ni angka jolma di tano on sudena, hape madabu noma ia saonnari, hara ni na dung mambaen boncir hamamate ni bahat halak Israel. Au Tuhan, madung mandok songon i.”

JEREMIA 51:56

Ro do halahi laho manyegohon Babel, manangkupi angka tentarana lalu manipul-nipul angka sinjatana. Au ma da Tuhan na manguhumi hajahatan jana baenonKu ma tu Babel hombar tu pambaenanna.

ANDUNG 3:64

Uhumi ma halahi, ale Tuhan, hombar tu parbuatanna.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 18:24

Jana di bagasanna adong do mudar ni angka panurirang dohot angka halak na badia dohot mudar ni sude halak na nibunu di tano on.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”