JEREMIA 51:21 - BIBEL JAMITA NA DENGGAN

²¹ Hupake do ho laho mangaropuk kudo dohot na manenggetsa, maradu kareta dohot na marobansa.

JEREMIA 51:21 ပူးပေါင်းရင်းမြစ်များ

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 76:6

Ale Debata ni si Jakob, Ho do manyonggak halahi, gabe marmatean ma sude na manengget dohot kudona i.

HARURUAR 15:1

Dung i diendehon si Musa dohot halak Israel ma ende on di Tuhan, “Giot marende ma au di Tuhan, hara ni na monang Ia marhasurungan. Kudo dohot na mangalombut diambungkon Ia tu bagasan laut.

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

HARURUAR 15:4

Tentara ni Mesir dohot angka karetana diambungkon Ia tu laut, tentara pilian na jumingar bonom di Laut Rara.

JESAYA 43:17

jana na marsuru tentara dohot angka na gogo laho marporang, parangan na markudo bage dohot martongtang. Tinggang do halahi, nada jongjong be mangulahi, songon api na mintop, marmatean halahi.

JEREMIA 50:37

Kudo dohot karetana angkon diropuhi, angke tentara na niongkosan nada be margogo. Diabiskon ma sude hakayoan ni Babel, sinadonganna i dirampas.

JEHESKIEL 39:20

Butongan ma hamu di pestangKi, mangankon kudo dohot na manenggetsa, angka na gogo dohot halak parporang. Songon i ma didok Tuhan Debata.”

MIKA 5:10

Huroncohon angka kota na adong di tanomu jana Hurumpakkon sude partahananmu.

NAHUM 2:13

“Musumu do Au,” ninna Tuhan Na Markuaso i, “TutunganKu ma sude angka karetamu lopus abis. Marmatean ma angka tentaramu di bagasan parporangan, jana pambuatanKu ma sandok na nipambuatanmu sian halak na asing. Nada habegean be angka tuntutan ni suruanmu.”

HAGAI 2:22

ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

ZAKARIA 12:4

Anggo di ari i baenonKu ma lenong sandok kudo jana angka na mangalombut i Hubaen rintik, halak na maringanan di Juda Hujagohon, tapi sandok kudo ni musuna i Hubaen nada marnida.

HALUMBAAN 19:18

Pangan hamu ma juhut ni angka raja, juhut ni angka panglima dohot juhut ni angka na gogo, juhut ni na manengget kudo dohot juhut ni angka kudona i dohot juhut ni sude jolma manusia na menek bope na magodang, hatoban sanga na mardeka!”