JEREMIA 51:2 - BIBEL JAMITA NA DENGGAN

² Giot suruonKu angka halak na asing na giot mangaroncohon Babel songon alogo na manghabangkon guapak. Di ari hamamago i serangon ni halahi ma luat i sian sude haroroan jana ias paiasonna.

JEREMIA 51:2 ပူးပေါင်းရင်းမြစ်များ

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JEREMIA 15:7

Hupiari ma halahi dohot anduri di sude inganan di luat on. BaenonKu ma bangsongKu agoan anak, jana pangabisonKu halahi, harana inda maruba halahi sian pangalahona.

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEREMIA 50:32

Tartuktuk ma bangsomu siginjang roha i jana tinggang. Sahalak pe nada adong na mangurupi laho pajongjongkon ho. SurbuonKu ma angka kotamu, jana sandok na adong humaliang ni kota i, Huabisi.”

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”