JEREMIA 51:10 - BIBEL JAMITA NA DENGGAN

¹⁰ Didok bangso ni Tuhan i ma, “Madung dipatuduhon Tuhan bahaso di pihak na tutu do hita. Beta ma hita tu Jerusalem jana tapaboa ma disi sandok na nibaen ni Tuhan Debatanta i.”

JEREMIA 51:10 ပူးပေါင်းရင်းမြစ်များ

MASMUR 118:17

Sai na mangolu do au, nada idaonku hamatean, laho mamaritahon karejo ni Tuhan.

MASMUR 37:6

PatangkasonNia ma haburjuonmu songon na tiur, marsinondang ma hadenggananmu songon mataniari.

MASMUR 64:9

Gabe mabiar be ma halak sudena; marpikir be ma halahi salaho tu pambaenan ni Debata, jana pararatkon sanga aha na dung dipatupa Debata.

MASMUR 66:16

Ro ma, jana tangihon hamu ma, o sude hamu na burju, paboaonku ma pambaenan ni Debata tu au.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

JESAYA 24:14

Marende jop ni roha ma sanga ise angka na malua. Baritahonon ni halak na di Hasundutan ma hagodangan ni Tuhan,

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JESAYA 51:11

Angka na nipaluaMu ale Tuhan, mulak tu Sion marsonang-sonang. Marendei halahi jana marmoga-moga, malua sian parhancitan dohot arsak ni roha; salolot-lolotna ma halahi martua. Lungun dohot arsak ni roha madung mandao.

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

JEREMIA 50:45

Hara ni i, tangihon ma sanga aha na dung Husangkaphon maradopkon kota Babel dohot na giot baenonKu tu angka halak na disi. Angka dakdanak ni halahi pe saraton do kehe jana sandok jolma gabe mabiar.