JEREMIA 50:7 - BIBEL JAMITA NA DENGGAN

⁷ Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEREMIA 50:7 ပူးပေါင်းရင်းမြစ်များ

MASMUR 71:5

Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

MASMUR 79:7

Angke madung dibunu halahi bangsoMi, jana disegohon halahi tanona i.

MASMUR 90:1

Ale Tuhan, Ho do inganan parlindungannami sian najolo, marsundut-sundut,

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 56:9

Ale angka binatang na di padang, ale angka binatang na di harangan, ro ma hamu mangan,

JESAYA 9:12

Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.

JEREMIA 10:25

Tu angka na manghudukkon Ho ma, palalu parpiar ni murukMu dohot tu na so marsomba tu joloMu. Angke madung diabisi halahi sude pomparan ni si Jakob jana na mangaroncohon tano ni halahi.

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 2:3

Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

JEREMIA 5:17

Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEREMIA 50:14

Hamu ale angka panyior! Atur hamu ma barisanmunu laho mangaroro dohot manghobuk Babel. Tembakkon hamu ma anak ni siormunu adop Babel, dibaen madung mardosa ia naradopkon Au.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 50:33

Didok Tuhan Na Markuaso i ma, “Rap marhancit do Israel dohot Juda. Sude na manaban halahi manjagoi halahi pir pambaenanna jana nada ra paluahon halahi.

JEHESKIEL 34:5

Hara ni na so marparmahan, marserak ma angka biri-biri i jana gabe sisoroon ni binatang panyoro.

JEHESKIEL 35:12

Gabe botoonmunu ma na dung Hubege, Au Tuhan mambege pangincahimu di na nidokmunu: Madung gabe mamolngit angka dolok ni Israel jana dipasahat baen soroanta.

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

DANIEL 9:6

Nada hami tangihon angka panurirang, angka naposoMi na mandok hata mangasahon goarMu tu angka rajanami, tu angka na markuaso, tu angka ompunami maradu tu sude bangsonami.

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”

ZAKARIA 11:5

Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.