JEREMIA 50:6 - BIBEL JAMITA NA DENGGAN

⁶ Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

JEREMIA 50:6 ပူးပေါင်းရင်းမြစ်များ

MASMUR 116:7

Sonang ma ho, ale rohangku, angke burju do Tuhan tu au.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MASMUR 23:2

Dipapayak Ia do au di padang jampalan na lomak. Ditogu Ia do au, tu aek na lan.

MASMUR 32:7

Ho do inganan parsimonjapanku, diondingi Ho do iba sian mara. Gabe marsurak ma au hara ni moga ni roha, dibaen dipalua Ho do antong iba.

MASMUR 90:1

Ale Tuhan, Ho do inganan parlindungannami sian najolo, marsundut-sundut,

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JESAYA 30:15

Tuhan Debata, Debata Na Badia ni Israel, mandok tu bangsoNia, “Manopoti sala ma hamu tu Au, gabe paluaonKu ma hamu. Haporsayai hamu ma Au di bagasan roha na sonang, gabe pargogoanKu ma hamu.”

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JEREMIA 10:21

Hualusi ma, “Angka na oto do pamimpinta i; na so mangido panogu-noguon do halahi sian Tuhan, patunda ni i ma umbaen na so manjadi halahi jana gabe marserak hita on sun tu dia.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 23:1

Marmara ma baenon ni Debata angka pamimpin na mangago dohot na pasarsarkon bangsoNa.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

JEREMIA 3:6

Di na gabe raja si Josia, didok Tuhan ma songon on, “Madung he diida ho na nibaen ni Israel dadaboru na so setia i? Di sandok dolok na gincat dohot di toru ni sude hayu na rumbun, marmainan ia.

JEREMIA 33:12

Didok Tuhan Na Markuaso i ma, “Nada diingani jolma sanga binatang luat na songon padang halongonan on. Tapi haru songon i pe adong do i muse di pudian ni ari angka padang hatubuan ni duhut inganan ni halak marmahani angka biri-birina.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 50:19

PaulahonKu noma halak Israel tu tano ni halahi. Panganon ni halahi ma suha ni tano na sian Dolok Karmel dohot tano Basan. Butongan ma halahi marhite suha ni tano na sian Luat Efraim dohot Gilead.

JEHESKIEL 13:10

Hamu angka panurirang pargabus! Madung dipalilu hamu bangsongKu marhite hata na nidokmunu, aman jana beres do sude. Hape saotik pe nada tutu songon i! Dipajongjong bangsongKi do tembok jana di baen halahi hapurna.

JEHESKIEL 34:14

Satutuna do, Au paradehon di halahi angka padang ruput na napu di partoran dohot di angka rura ni tano Israel. Disi ma halahi maradian jana manjampali di bagasan sonang.

JEHESKIEL 34:15

Au sandiri noma marmahani angka biri-biringKi, paradehon inganan paradianan ni halahi; Au Tuhan Debata madung mandok songon i.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

MATEUS 10:6

Tapi topot hamu ma angka biri-biri na mago sian pomparan ni Israel.

MATEUS 15:24

Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”

MATEUS 9:36

Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.