JEREMIA 50:44 - BIBEL JAMITA NA DENGGAN

⁴⁴ Songon singa na muldop sian harangan godang na di lambung ni Batang aek Jordan mandapotkon padang panjampalan ni biri-biri songon i ma, Au Tuhan, giot ro jana mambaen marlojongi halak Babel sian kota ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise ma he na puluk mangalo Au? Adong dehe pamimpin na margogo mangalo Au?

JEREMIA 50:44 ပူးပေါင်းရင်းမြစ်များ

MASMUR 89:6

Di langit ni langitan nada adong na tudos dohot Ho, Tuhan, nada adong pardibanua ginjang na sarupa dohot Tuhan.

MASMUR 89:8

Ale Tuhan, Debata Na Markuaso, ise dehe songon Ho? Na gogo do Ho ale Tuhan, jana hasetiaanMu adong di humaliangMu.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JESAYA 40:25

Dohot ise ma he patudosonmunu Au, ise ma he tudosanKu?

JESAYA 41:25

Madung Hupabangkit sahalak sian Habincaran, sian Utara do ia ro manyerang. Lonca-loncaonnia ma parkuaso songon bustak songon sitopa hudon mangalonca-lonca tano liat.

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

JESAYA 46:11

Hupiohon do unggas panyoro sian Habincaran, dohot halak na patulus haputusanKu, sian luat na dao. Madung Hudokkon i, jadi giot patulusonKu do i, madung Husangkapkon i, jadi giot patulusonKu do i.

JESAYA 46:9

Ingoti di bagasan rohamu sude na masa na salpu angka pangalaho na tarjadi najolo. Okui ma, na so adong Debata asing sian Au nada adong na sarupa dohot Au.

JESAYA 48:14

Marlagut ma hamu sude jana tangihon ma, ise dehe sian tonga-tonga ni halahi na paboahon sasudena i? Ia, na dihaholongi ni Tuhan i do na giot patuluskon hagiot ni Tuhan maradopkon Babel, jana na patuduhon hagogoon ni tangan ni Tuhan maradopkon halak Kasdim.

JEREMIA 12:5

Didok Tuhan ma, “O Jeremia, muda gabe loja ho marsiadu dohot jolma, bia ma pambaen ni i marsiadu ho dohot kudo? Muda tartuktuk do ho di tano na hornop, bia ma pambaen ni i mardalan ho di ramba na ditopi ni Batang aek Jordan?

JEREMIA 25:38

Madung ditadingkon Tuhan bangsoNia songon panadingkon ni singa di asarna. Madung muba luat on gabe halongonan dibaen hakejamon ni porang dohot hamuruhan ni Tuhan.

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

ZAKARIA 11:3

Mangandungi ma angka pamimpin di hasusaanna; ma pola mago hajagaronna. Bege bo parngaur ni singa di harangan, angke inganan ni halahi sapanjang Batang aek Jordan, ma pola abis marsursaran.

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.