JEREMIA 50:42 - BIBEL JAMITA NA DENGGAN

⁴² Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEREMIA 50:42 ပူးပေါင်းရင်းမြစ်များ

MASMUR 46:6

Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

MASMUR 74:20

Ingot ma parjanjian na nibaenMi dohot hami on, angke manggolap do di sude ingananna di luat on, sai mangasahon gogo do sude jolma.

JESAYA 14:6

na manyosak marhite murukna jana sai torus mamparhanciti angka bangso na nitaluhonna.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JEREMIA 30:14

Sude haholonganmu, madung lupa tu ho; nada ra be halahi mamikirkon ho. Songon musu, Au giot mangaroro jana manguhumi hamu maradu gogo hara ni bahat ni dosamu jana godang hasalaanmu.

JEREMIA 47:3

Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JEREMIA 50:14

Hamu ale angka panyior! Atur hamu ma barisanmunu laho mangaroro dohot manghobuk Babel. Tembakkon hamu ma anak ni siormunu adop Babel, dibaen madung mardosa ia naradopkon Au.

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JEREMIA 51:27

“O ale raja na sian Utara! Lehen ma tanda laho manyerang! Palu ma sarune anso dibege angka bangso! Arahon ma angka bangso laho marporang mangalo Babel! Suruhon ma harajaan Ararat, Mini dohot Askenas manyerang. Angkat ma sada halak ulubalang laho manguluhon porang i. Oban ma kudona sabahat ni siapor.

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

JEHESKIEL 26:3

Didok Tuhan Debata i ma, “Au ma musumu, ale Tirus! ObanonKu ma bahat bangso laho mamorangi ho, jana parro ni halahi songon ombak ni laut.

JOEL 2:5

Muda mangalumpat-lumpat halahi di partoran, sorana i suman tu pargaruntang ni kareta di porang, jana songon parsesek ni api na marjilam-jilam, na manutung durame. Marbaris do halahi songon parangan na gogo-gogo, na dung hobas kehe marporang.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”