JEREMIA 50:39 - BIBEL JAMITA NA DENGGAN

³⁹ Hara ni i, gabe inganan parbeguan noma Babel dohot inganan ni tondi na jahat maradu angka unggas unto. Ro di salolot-lolotna nada adong be halak na ra maringanan disi.

JEREMIA 50:39 ပူးပေါင်းရင်းမြစ်များ

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JEREMIA 25:12

Dung i uhumanKu ma bangso Babel dohot rajana i hara ni dosa ni halahi. RumpakkononKu ma luat i jana padiaronKu sego sapanjangna.

JEREMIA 50:3

Na giot ro ma sada bangso sian Utara mamorangi Babel jana mambaen luat i gabe padang na harsang. Marlojongi ma jolma dohot pahan-pahanan jana nada adong be na ra maringanan disi.”

JEREMIA 51:26

Nada adong sada batu pe sian rumpak-rumpakmu na tarpake be laho mambangun. Gabe tarsongon padang halongonan noma ho sapanjangna. Au Tuhan, madung mandok songon i.”

JEREMIA 51:43

Gabe inganan na jorbut noma angka kotana, tudos tu padang halongonan na harsang. Nada adong halak na ra maringanan sanga mamolus disi.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.