JEREMIA 50:36 - BIBEL JAMITA NA DENGGAN

³⁶ Angkon bunuon sude angka panurirang ni Babel, angke pargabus do halahi jana na oto. Tentara ni Babel pe angkon laing bunuon do; mabiar do halahi sudena.

JEREMIA 50:36 ပူးပေါင်းရင်းမြစ်များ

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 44:25

Hupaoto-oto angka pangaramal, Husursari ramalan ni panjujur nasib. Husungkar angka na nidok ni na malo marhata, Hupatanda na sala habisuhanna.

JEREMIA 48:30

Au Tuhan, Huboto do bulbulmunu. Rumar sajo do hatamunu jana pambaenanmunu nada marastuan.

JEREMIA 49:22

Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 50:30

Angka doli-dolina i pe angkon bunuon do di angka dalan na di kota i dohot tentarana i pe sude diputusi ma di ari i. Au Tuhan, madung mandok songon i.

JEREMIA 51:23

Hupake do ho laho mangabisi parmahan dohot pahan-pahananna, partani dohot lombu pangaloncana, parkuaso dohot halak na godang di tonga-tonga ni bangso.”

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 51:32

Inganan panyiborangan pe madung diingani musu, jana angka benteng partahanan disurbui. Golap be roha ni tentara ni Babel.

NAHUM 2:8

Mangambur be masarsar rayat ni Ninive songon aek na mabulak sian gadu-gadu na matolbak. Tarbege ma na marsurak, “Maradian! Maradian!” hape nada adong na ra ro mangulahi.

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.

NAHUM 3:7

Mandao ma sanga ise na mangaligi ho jana dokkononna, ‘Ninive hum tading rompak-rompakna noma! Ise ma na dohot marsak dongannia? Nada adong na ra mangalehen apo-apo tusia.’ ”

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

1 TIMOTEUS 6:4

Angka siginjang roha do i, hape nian so adong na binotona sanga aha! Na tagi-tagi marsoal dohot martongkari do i taringot tu angka pandohan, na mambaen anyok ni roha, hasisirang, marsitilakoan, manuhas na so ture,

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.