JEREMIA 50:34 - BIBEL JAMITA NA DENGGAN

³⁴ Tapi gogo do Au pambela ni halahi Tuhan Na Markuaso i do goarKu. Au sandiri do na manjuljulkon parkaro ni halahi dohot na maroban dame tu portibi on. Tapi anggo tu halak Babel paroonKu ma hasusaan.”

JEREMIA 50:34 ပူးပေါင်းရင်းမြစ်များ

2 JUJUR TAON 6:39

jadi sai tangihon ma tangiang ni halahi sian parmiananMu di banua ginjang i jana sai ibo ma rohaMu mida halahi; sai ampuni ma sude dosa ni bangsoMu.

JOB 19:25

Huboto do anggo di banua ginjang, adong disi pangondianku; di ujungna ro Ia manolong au.

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

PODA 23:11

Harana, Tuhan do pambela na gogo; Debata do na mambela halahi laho mangalo ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 47:4

ninna Debata Na Badia ni Israel, Tuhan Na Markuaso do goarna.

JESAYA 49:25

Dialusi Tuhan ma, “Songon i ma na giot tarjadi. Rampason ma mangulahi na nitaban ni angka ulubalang. Jana rampason mangulahi na nisamun ni jolma na togos. Musumu aloonKu; jana angka dakdanakmu paluaonKu.

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 15:21

PaluaonKu do ho sian kuaso ni angka jolma na jahat jana na kejam. Au Tuhan, madung mandok songon i.”

JEREMIA 30:20

Angka anak ni halahi angkon songon di mulana, jana parlagutan ni halahi angkon marbungaran salolot ni lolotna di jolongKu. UhumonKu ma sude halak na mamparhanciti halahi.

JEREMIA 31:11

Madung malua Hubaen halak Israel sian bangso na gogo halahi Hupalua.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

JEREMIA 48:15

Madung pola disarsarkon Moab dohot angka kotana, jana angka doli-dolina na tumongam madung hona bunu. Madung Hudok songon i, Au do Raja, Tuhan Na Markuaso.

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

JEREMIA 51:36

Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

ANDUNG 3:58

Ale Tuhan, ro do Ho jana dipalua Ho au. Madung dipalua Ho hosangku.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”