JEREMIA 50:31 - BIBEL JAMITA NA DENGGAN

³¹ Babel, maginjangtu do rohamu! Hara ni i, Au Tuhan Debata Na Markuaso, mangalo ho. Madung hatihana uhumanKu ho.

JEREMIA 50:31 ပူးပေါင်းရင်းမြစ်များ

JEREMIA 21:13

Satutuna gabe alomu ma Au, o kota na di ginjang ni rura, dolok batu di adaran; Au Tuhan mandok songon i, o hamu na mandok: Ise ma he na puluk ro tu hami jana ise ma he na puluk masuk tu inganannami?

JEREMIA 48:29

Ginjang ni rohamunu antong santak! Madung hubege do sanga songon dia bulbul, ginjang ni roha, gakgak dohot tealmunu!

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEREMIA 50:32

Tartuktuk ma bangsomu siginjang roha i jana tinggang. Sahalak pe nada adong na mangurupi laho pajongjongkon ho. SurbuonKu ma angka kotamu, jana sandok na adong humaliang ni kota i, Huabisi.”

JEREMIA 51:25

O ale Babel, tudos tu dolok do ho na mangaroncohon sude portibi on. Tapi Au Tuhan giot mangalo ho. TarihonKu ma ho jana Hupabalik jana Hupadiar puntung gabe tiranggong.

JEHESKIEL 29:3

Jana dohononmu ma: Songon on do hata ni Tuhan Debata, “Ligi ma, musumu do Au ale Raja Parao, raja ni Mesir, buaya na godang i na manggompang di tonga-tonga ni batang aek, na mandok: Au do nampuna Batang aek Nil jana au do mambaen i.

JEHESKIEL 38:3

Dokkon ma tusia Au do Tuhan Debata, musunia do Au.

JEHESKIEL 39:1

Didok Tuhan Debata i ma, “Ale jolma parsantongkinan, gorahon ma si Gog, raja godang na sian Luat Mesekh dohot Tubal, jana paboa ma tusia, musunia do Au.

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

NAHUM 2:13

“Musumu do Au,” ninna Tuhan Na Markuaso i, “TutunganKu ma sude angka karetamu lopus abis. Marmatean ma angka tentaramu di bagasan parporangan, jana pambuatanKu ma sandok na nipambuatanmu sian halak na asing. Nada habegean be angka tuntutan ni suruanmu.”

NAHUM 3:5

Didok Tuhan Na Markuaso i ma, “Ligi da Au noma gabe alomu, sintakonKu ma ujung ni abitmi lopus tu bohimu jana giot patidahonon ma hahailamu tu angka bangso dohot dongan magodangmu tu angka harajaan.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”