JEREMIA 50:30 - BIBEL JAMITA NA DENGGAN

³⁰ Angka doli-dolina i pe angkon bunuon do di angka dalan na di kota i dohot tentarana i pe sude diputusi ma di ari i. Au Tuhan, madung mandok songon i.

JEREMIA 50:30 ပူးပေါင်းရင်းမြစ်များ

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 48:15

Madung pola disarsarkon Moab dohot angka kotana, jana angka doli-dolina na tumongam madung hona bunu. Madung Hudok songon i, Au do Raja, Tuhan Na Markuaso.

JEREMIA 49:26

Marmatean ma di ari i angka doli-doli ni halahi di dalan-dalan i jana sude tentarana hona bunu.

JEREMIA 50:36

Angkon bunuon sude angka panurirang ni Babel, angke pargabus do halahi jana na oto. Tentara ni Babel pe angkon laing bunuon do; mabiar do halahi sudena.

JEREMIA 9:21

Ma pola masuk hamatean sian jandela, madung manyaroso tu bagasan bagas godang; disaroso angka dakdanak di angka dalan songon i muse angka na poso di alaman.

HALUMBAAN 19:18

Pangan hamu ma juhut ni angka raja, juhut ni angka panglima dohot juhut ni angka na gogo, juhut ni na manengget kudo dohot juhut ni angka kudona i dohot juhut ni sude jolma manusia na menek bope na magodang, hatoban sanga na mardeka!”

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.