JEREMIA 50:29 - BIBEL JAMITA NA DENGGAN

²⁹ Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEREMIA 50:29 ပူးပေါင်းရင်းမြစ်များ

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JESAYA 47:10

Aman dihilala ho di bagasan hajahatan, dipikir ho parbuatanmi nada haidaan. Dililuhon habisuhon dohot parbinotoan i do ho, gabe didokkon ho ma di bagasan rohamu, ‘Nada adong na asing sian au.’

JEREMIA 25:14

BalosonKu do angka parbuatan ni halak Babel i; parhatobanon ni angka raja-raja na godang ma halahi dohot angka bangso na bahat.’ ”

JEREMIA 48:26

Didok Tuhan ma, “Baen ma Moab gabe mabuk, hara ni na mangalo ia tu Au. Margiling-giling ma ia di uta-utania i jana partataan ni halak.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 50:24

Didok Tuhan, “Babel, dialo ho do Au, hara ni i gabe tarhapit ho di bagasan jorgong na Hutaon tu ho, hape nada diboto ho i.

JEREMIA 50:26

Porangi hamu ma Babel sian sudena jana bungkar hamu ma angka gudang panyimpanan ni gandumna! Palagut hamu ma angka barang-barang na dirampas i songon na palagutkon gandum! Abiskon hamu ma luat i! Ulang jabat adong na teba!

JEREMIA 50:32

Tartuktuk ma bangsomu siginjang roha i jana tinggang. Sahalak pe nada adong na mangurupi laho pajongjongkon ho. SurbuonKu ma angka kotamu, jana sandok na adong humaliang ni kota i, Huabisi.”

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JEREMIA 51:24

Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

JEREMIA 51:3

Ulang ma lehen hamu hatiha tu tentarana i laho manembakkon anak ni siorna sanga mamake pakean porangna. Ulang padiar hamu angka doli-dolina i mangolu. Abisi hamu sude tentarana i!

JEREMIA 51:49

Babel do boncir ni hamatean ni angka jolma di tano on sudena, hape madabu noma ia saonnari, hara ni na dung mambaen boncir hamamate ni bahat halak Israel. Au Tuhan, madung mandok songon i.”

JEREMIA 51:56

Ro do halahi laho manyegohon Babel, manangkupi angka tentarana lalu manipul-nipul angka sinjatana. Au ma da Tuhan na manguhumi hajahatan jana baenonKu ma tu Babel hombar tu pambaenanna.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 3:64

Uhumi ma halahi, ale Tuhan, hombar tu parbuatanna.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

OBAJA 1:15

“Tutu do na dung donok arina, Au Tuhan giot uhumanKu angka bangso. Baloskonon ma tu Edom sandok na nibaennia. Jagitonnia ma mangulahi sanga aha na nilehennia.

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.