JEREMIA 50:27 - BIBEL JAMITA NA DENGGAN

²⁷ Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

JEREMIA 50:27 ပူးပေါင်းရင်းမြစ်များ

JOB 18:20

Umbege bagianna tarsonggot do halak Parhasundutan, songon i Parhabincaran gabe humitir hara ni biarna.

MASMUR 22:12

Songon lombu na marhulanan, musu mangarongomi au, songon lombu riar na sian Basan halahi manghaliangi au.

MASMUR 37:13

Hape dipartatai Tuhan do parjahat i, diboto Ia do na dung donok hamamago ni halahi.

JESAYA 21:12

Hualusi ma, “Ro do i manyogot, tapi borngin dope. Muda giot sapaanmu, ro ma ho mangulahi manyapai.”

JESAYA 34:6

Marlapu-lapu mudar dohot tabo-tabo do podang ni Tuhan, i ma mudar dohot tabo-tabo ni pahan-pahanan na nihaulkon. Pasingkopon ni Tuhan ma haul di Bosra, jana pamasaonNia ma pambantean marabis-abis di tano Edom.

JESAYA 34:7

Marmatean ma angka jolma songon lombu riar dohot lombu jara-jara. Marrara ma tano hara ni mudar jana ditutupi tabo-tabo.

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 48:10

Hona bura ma sanga ise na so patuluskon karejo na sian Tuhan sian situtu ni rohana. Hona bura ma i na so manyintak podangna lalu mambunu.

JEREMIA 48:15

Madung pola disarsarkon Moab dohot angka kotana, jana angka doli-dolina na tumongam madung hona bunu. Madung Hudok songon i, Au do Raja, Tuhan Na Markuaso.

JEREMIA 48:44

Halak na malua sian ogor-ogor madabu ma i tu bagasan lubang, jana halak na haruar sian lubang i, alit muse ma i baenon ni jorat. Tarjadi do sudena i hara ni na dung Hutontuhon hatihana laho mangaroncohon Moab.

JEREMIA 50:11

Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

JEREMIA 50:31

Babel, maginjangtu do rohamu! Hara ni i, Au Tuhan Debata Na Markuaso, mangalo ho. Madung hatihana uhumanKu ho.

JEREMIA 51:40

ObanonKu ma halahi songon anak ni biri-biri, hambeng dohot biri-biri jantan na giot sambolon. Au Tuhan madung mandok songon i.”

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”

HALUMBAAN 19:17

Dung i huida ma sahalak surusuruan jongjong di ginjang ni mataniari. Marsurak ma ia gogo tu sude unggas na habang di awang-awang, “Beta ma marlagut anso tatopot pesta godang na nipatupa ni Debata!