JEREMIA 50:26 - BIBEL JAMITA NA DENGGAN

²⁶ Porangi hamu ma Babel sian sudena jana bungkar hamu ma angka gudang panyimpanan ni gandumna! Palagut hamu ma angka barang-barang na dirampas i songon na palagutkon gandum! Abiskon hamu ma luat i! Ulang jabat adong na teba!

JEREMIA 50:26 ပူးပေါင်းရင်းမြစ်များ

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 14:23

Gabe ambar noma Babel baenonKu baen inganan ni sipauk. Ias ma haisonKu Babel. Tuhan Na Markuaso do Au, na dung mandok i.”

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 45:3

Gabe lehenonKu ma di ho arta pusako, harta sinadongan na buni, anso diboto ho Au Tuhan Debata ni Israel, na dung marpio ho marhite goarmu.

JESAYA 5:26

Baenon ni Tuhan ma sada tanda giot mamio bangso sian na dao. Mandosik ma Ia mamio halahi sian angka ujung ni tano on. Marroan ma halahi tibu jana hipas.

JEREMIA 50:10

Rampasonna noma Babel jana pambuatan ni pangarampas i ma sanga na aha giot ni rohana, Au Tuhan, madung mandok songon i.”

JEREMIA 50:13

Hara ni na muruk Au, gabe tinggal sego-segona noma Babel jana gabe lobu. Sude halak na mamolus sian i gabe tarsonggot jana longang.

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

JEREMIA 50:23

Sandok tano on maropuk dipotuk Babel. Saonnari madung maponggol potuk-potuk i! Tarsonggot ma sandok bangso umbege na tarjadi tu luat i.

JEREMIA 50:41

Sian luat na dao di Utara, ro ma sada bangso na gogo. Bahat do raja na ro rap dohot halahi. Ma pola hobas halahi manyintak sinjatana.

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

JEREMIA 51:64

lalu dok ma hatana, ‘Songon on ma na giot tarjadi tu Babel. Bonom ma luat on jana nada mulgap be hara ni parmaraan na nitimpalkon ni Tuhan tusi. Olat ni on ma hata ni si Jeremia.’ ”

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

MATEUS 6:26

Ligi hamu ma jolo angka unggas na habang i pahae-pahulu. Nada manyabur same halahi, nada manyabi, nada adong palagutkon suha ni saba halahi tu talobat. Tapi haru pe songon i, dipahan Amangmunu na di banua ginjang i do halahi. Nada he dao dope ummarga hamu sian angka unggas i?

HALUMBAAN 14:19

Jadi dipadalan ia ma manigor sasabinia i tu tano i jana disabi ia ma angka batu ni anggur i sian bonana, dipamasuk ia ma i tu panggilingan ni anggur haririmas ni Debata na marsigorgor i.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.