JEREMIA 50:25 - BIBEL JAMITA NA DENGGAN

²⁵ Madung Hubuka panyimpanan ni sinjatangKu, jana mardongan muruk Huparuar angka sinjata i dibaen Au sandiri Tuhan Debata Na Markuaso, angkon patulusonKu do sada karejo di Babel.

JEREMIA 50:25 ပူးပေါင်းရင်းမြစ်များ

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

MASMUR 45:5

Pana ni raja i tajom do mamantik tu pusu-pusu ni musu, martungkapan angka bangso di jolo ni patmu.

JESAYA 13:15

Sanga ise na tartangkup tihamon noma i lopus mate.

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

JEREMIA 51:20

Didok Tuhan ma, “O Babel, na songon potuk-potuk do ho, sinjatangKu laho marporang. Hupake do ho laho manghantam angka bangso dohot angka harajaan.

JEREMIA 51:25

O ale Babel, tudos tu dolok do ho na mangaroncohon sude portibi on. Tapi Au Tuhan giot mangalo ho. TarihonKu ma ho jana Hupabalik jana Hupadiar puntung gabe tiranggong.

JEREMIA 51:55

Husarsarkon Babel jana Huhuntam. Parro ni musuna pe songon galumbang na gumadobur, jana mangaroro ma i mardongan sora ni panggora ni porang.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”