JEREMIA 50:20 - BIBEL JAMITA NA DENGGAN

²⁰ Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

JEREMIA 50:20 ပူးပေါင်းရင်းမြစ်များ

MASMUR 103:12

Songon dao ni Habincaran tu Hasundutan sai ma daona diambungkon Ia dosanta.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

MASMUR 85:3

Nada be dimuruki Ho halahi; parpiar ni murukMu ditarik Ho do mangulahi.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 10:21

Bangso Israel na teba sisaotik i, mangulahi ma burju mangoloi Debata parmonang i.

JESAYA 33:24

Sahalak pe nada adong na humolos di luatta hara ni nyae, jana sesaonNia ma sude dosanta.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JEREMIA 33:8

Giot paiasonKu halahi sian angka dosa na dung dibaen halahi maradopkon Au; Huampuni angka dosa dohot pangalaho ni halahi na so ture.

JEREMIA 44:14

Sian halak Juda na teba i na kehe tu Mesir laho maringanan disi, sahalak pe nada adong na malua sanga mangolu. Sahalak pe sian halahi nada adong be na mulak tu Juda, haru pe lungun sajo roha ni halahi. Tutu do nada adong be na mulak sian halahi asing ni na mangungsi piga-piga halak.”

JEREMIA 50:4

Didok Tuhan ma, “Anggo di hatiha i marroan ma halak Israel dohot Juda mardongan tangis manjalahi Au, Debata ni halahi.

ANDUNG 4:22

Madung didalani Sion uhumanna hara ni angka dosa na nibaenna; saonnari nada be hami padiaron ni Tuhan jana nada be obanonNa tu bagasan habuangan. Tapi anggo ho ale Edom, uhuman ni Tuhan noma ho. Ungkapon noma angka dosamu.

JEHESKIEL 18:22

Diampuni ma sude dosania i; mangolu ma ia hara ni na mambaen na tigor.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

ZAKARIA 3:9

Hupayakkon ma di jolo ni si Josua pitu mata di ginjang ni batu na sasada i, na giot gorgaonKu dohot surat, ninna Tuhan Na Markuaso. Jana apuskononKu ma dosa ni luat on di bagasan sadari.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

SURAT NI SI PAULUS TU PARLAGUTAN ROM 11:6

Tapi hara ni asi ni roha do, nada be sian pambaenan; sugari nada songon i nada asi ni roha be dohonon asi ni roha i.

SURAT NI SI PAULUS TU PARLAGUTAN ROM 5:16

Jana silehen-lehen i nada tudos tu dosa ni sada halak. Harana panguhuman tu sada pangalaosion i madung parohon uhuman, tapi silehen-lehen asi ni roha taringot tu bahat pangalaosion i, parohon hatigoran.

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

2 PETRUS 3:15

Etong hamu ma hasobaron ni Tuhanta i na mangalehen dalan tu hita anso dohot hita malua. Taringot tusi pe, nada he madung dibaen si Paulus surat tu hamu? Mardongan habisuhon na nilehen ni Debata do dibaen ia surat i.