JEREMIA 50:19 - BIBEL JAMITA NA DENGGAN

¹⁹ PaulahonKu noma halak Israel tu tano ni halahi. Panganon ni halahi ma suha ni tano na sian Dolok Karmel dohot tano Basan. Butongan ma halahi marhite suha ni tano na sian Luat Efraim dohot Gilead.

JEREMIA 50:19 ပူးပေါင်းရင်းမြစ်များ

ESRA 2:1

Bahat do sian tonga-tonga ni angka halak na tarbuang i na manadingkon Luat Babel lalu mulak tu Jerusalem dohot Juda, marsitopot kotana be. Mangolu di bagasan habuangan na di Babel noma angka keluarga ni halahi mamungka sian na hona angkat tusi dibaen Raja Nebukadnesar.

ENDE NA GODANG 6:5

Ulang ale manaili ho tu au, dibaen tarhalomong do au hara ni pangaligimu. Obukmu songon habanan ni hambeng, na margalumbang manuat di angka partoran Gilead.

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JEREMIA 23:3

Tapi palagut-lagutonKu ma teba-teba ni bangsongKi sian angka luat inganan habuangan ni halahi. ObanonKu ma halahi mulak tu bona bulu ni halahi jana mur mabahat ma pomparan ni halahi.

JEREMIA 3:18

Mardomu ma Israel dohot Juda, jana rap ro ma halahi sian tano habuangan na di Utara. Mulak ma halahi tu luat na dung Hupasahat tu ompu ni halahi gabe tano pusako.”

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 30:18

Songon on ma hata ni Tuhan, “Satutuna, mulak ma obanonKu angka na tarbuang sian parbandaran ni si Jakob. Jana marpangulahi rohangKu mida angka ingananna; jana angkon paulion mangulahi kota i di gincat ni roncoanna hian, jana bagas godang i angkon jongjong di ingananna hian.

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEREMIA 31:14

PapuasonKu ma angka malim dohot panganon na marlobi-lobi; jana lehenonKu sude haporluan ni bangsongKu. Au Tuhan, Au do na mandok songon i.”

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

JEREMIA 46:27

“Ale Israel bangsongKu, ulang humitir sanga mabiar hamu! PaluaonKu noma hamu sian luat na dao, disi ditaban hamu. Mulak noma hamu jana sonang maringanan di tanomunu. Mangolu ma hamu di bagasan sonang; nada adong be na porlu sihabiaran.

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

JEHESKIEL 11:17

Au, Tuhan Debata, mandok, sai na palagutonKu do halahi sian angka luat inganan parserahan ni halahi, jana paulahonKu tano Israel tu halahi.

JEHESKIEL 36:24

Sian ganop bangso dohot luat, palagutonKu ma hamu jana paulahonKu tu tanomu sandiri.

JEHESKIEL 36:33

Didok Tuhan Debata i ma, “Dung ias hamu Hubaen sian sasude dosamunu, paloasonKu ma hamu mangulahi maringanan di angka kotamunu dohot mambangun sego-segona i mangulahi.

JEHESKIEL 38:8

Sanga na piga taon nari suruonKu ma ia laho mamorangi sada luat na diingani ni halak na dipalagut mangulahi sian tonga-tonga ni bahat bangso jana maringanan muse di luat i di bagasan sonang. Inganan ni si Gog ma angka dolok ni Israel na dung honok mangalungun jana gok tapor-tapor, tapi saonnari na niingani ni rayat na mangolu di bagasan dame.

JEHESKIEL 47:18

Parbatasan sabola Habincaran lalu tu Selatan, mamungka sian sada inganan antara ni luat ni Damaskus dohot luat ni Hauran. Jadi Batang aek Jordan ma batasna antara ni tano ni Israel di Hasundutanna dohot Gilead di Habincaranna, lopus tu Tamar na di topi ni Laut Hamatean.

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZAKARIA 10:10

Sian Mesir dohot Asur marmulahan noma halahi. BaenonKu halahi maringanan di tanona sandiri. ObanonKu halahi tu Gilead dohot sian Libanon bage, lopus gohan ni halahi luat i sude.

BILANGAN 32:1

Angka Marga Ruben dohot Gad, bahat situtu do pahan-pahananna. Dung diida halahi denggan ni tano Jaeser dohot tano Gilead panjampalan ni pahan-pahanan,

JOSUA 17:15

Dialusi si Josua ma, “Muda mabahattu hamu gabe masompittu do Dolok Efraim di hamu, antong kehe ma hamu tu luat ni angka halak Peris dohot Refaim. Pungka hamu ma angka inganan na imbaru di angka harangan ni halahi i.”