JEREMIA 50:14 - BIBEL JAMITA NA DENGGAN

¹⁴ Hamu ale angka panyior! Atur hamu ma barisanmunu laho mangaroro dohot manghobuk Babel. Tembakkon hamu ma anak ni siormunu adop Babel, dibaen madung mardosa ia naradopkon Au.

JEREMIA 50:14 ပူးပေါင်းရင်းမြစ်များ

2 SAMUEL 10:9

Dung diida si Joab na tarhapit do hape ia dibaen parangan ni musu na di jolo dohot na di pudinia i, dipili ia ma angka parajurit na dumenggan di Israel, lalu diatur ia ma halahi maradopan dohot tentara ni Siria i.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

JESAYA 13:4

Tangihon ma sora na gaor-gaor di dolok i – sora ni halak na marlagut bahat sajo, hagaoron ni angka bangso dohot angka harajaan na marlagut. Hatiha mamareso barisan na giot marporang i ma Tuhan Na Markuaso i.

JESAYA 5:28

Tajom do anak ni pana ni halahi jana siorna i ripe manembakkon. Sisilon ni kudona i songon pir ni batu loting, jana parputar ni roda ni karetana i songon hipas ni halingsungsung.

JEREMIA 46:9

Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

JEREMIA 49:14

Au si Jeremia, hudok ma, “Ale Edom, madung hujagit sada barita sian Tuhan. Madung disuru utusan tu angka bangso laho marsuru halahi palagutkon tentara lalu marhobas laho mamorangi ho.

JEREMIA 49:35

Pandok ni Tuhan, “Satutuna tipulkononKu ma Sior ni Elam, i ma hagogoon ni halahi.

JEREMIA 50:11

Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEREMIA 50:42

Pana dohot podang do sinjata ni halahi; jingar jana na so umboto ampun do i. Songon sora ni laut na marombak songon i ma sora ni kudona na dipacu anso maju mamorangi Babel. Madung hobas halahi marporang mangalo luat i.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEREMIA 50:9

Husosoi pe angka bangso na gogo-gogo na adong di Utara anso diporangi halahi Babel. Aturon ni halahi ma barisan laho martempur mangalo Babel lalu manaluhonsa. Angka parsior na malo-malo do halahi jana anak ni pana ni halahi nada unjung na so mangonai.

JEREMIA 51:2

Giot suruonKu angka halak na asing na giot mangaroncohon Babel songon alogo na manghabangkon guapak. Di ari hamamago i serangon ni halahi ma luat i sian sude haroroan jana ias paiasonna.

JEREMIA 51:27

“O ale raja na sian Utara! Lehen ma tanda laho manyerang! Palu ma sarune anso dibege angka bangso! Arahon ma angka bangso laho marporang mangalo Babel! Suruhon ma harajaan Ararat, Mini dohot Askenas manyerang. Angkat ma sada halak ulubalang laho manguluhon porang i. Oban ma kudona sabahat ni siapor.

JEREMIA 51:3

Ulang ma lehen hamu hatiha tu tentarana i laho manembakkon anak ni siorna sanga mamake pakean porangna. Ulang padiar hamu angka doli-dolina i mangolu. Abisi hamu sude tentarana i!

HABAKUK 2:17

Ditabai ho do angka hayu na di harangan Libanon, jana saonnari ho noma na giot sitabaon. Dibunu ho do angka binatang jana saonnari angka binatang i noma sihabiaranmu. Sudena on tarjadi hara ni pamunuon dohot hakejamon na dung nibaenmu maradopkon angka luat, kota dohot angka pangisina.

HABAKUK 2:8

Ma bahat disamun ho angka bangso, tapi samunon ni angka bangso na so dapotmu ma ho, hara ni pamunuon na nipadalanmi dohot hara ni hakejamonmu maradopkon angka luat, angka kota dohot halak na manginganisa.

HALUMBAAN 17:5

Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”

1 SAMUEL 17:20

Ancogotna i manyogot dope, ngot ma si Daud, lalu markobas, dipasahat ia ma biri-birinia i tu sada halak na manjago, dung i dibuat ia ma siobanonnia lalu kehe ma ia songon na niparentahon ni amangnia i. Di parlalunia i topet ma diparkehe ni halak Israel tu galanggang ni porang lalu marsurakkon sora ni porang.