JEREMIA 50:11 - BIBEL JAMITA NA DENGGAN

¹¹ Didok Tuhan ma, “O hamu halak Babel, disamun hamu ma bangsongKi. Marjop ni roha ma hamu songon kudo na panyihal-nyihalon jana pahae-pahulu hamu songon lombu na mardege gandum.

JEREMIA 50:11 ပူးပေါင်းရင်းမြစ်များ

MASMUR 22:12

Songon lombu na marhulanan, musu mangarongomi au, songon lombu riar na sian Basan halahi manghaliangi au.

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 47:8

Hara ni i tangihon ma ale na manghaholongi hasonangan, didok rohamu malua ma ho jana sonang. Diambang ho ma ho na sun markuaso, jana na so adong be mangimbangi ho. Diambang ho na so mabalu be ho jana pomparanmu nada mago.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 46:20

Songon anak ni lombu na mokmok do Mesir, tapi diganggu lanok na godang sian Utara.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

JEREMIA 5:8

Songon dia ma kudo jantan na mokmok halahi jana sai gintal marboru-boru; ganop be sai hum na giot mangarohai dadaboru ni donganna.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 50:27

Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

JEHESKIEL 35:15

Laing songon sonang ni rohamunu taran diida hamu Israel artangKi gabe mangalungun. Angka Dolok Seir, lalu sude tehe tano Edom, mamolngit noma i. Jadi gabe botoon ni sude jolma ma Au do Tuhan.’ ”

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

HOSEA 10:11

Najolo songon lombu jara-jara na niajar do Efraim jana na ringgas mardege gandum. Nada pola porlu baenonKu auga tu tangkuhukna na jeges i. Tapi anggo saonnari tarpaksa noma baenonKu halahi markarejo na borat. Husuru Juda mamangkur, jana Israel Husuru manyisir.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

OBAJA 1:12

Nada patut sonang ho nian marnida sitaonon ni angka pomparan ni halak Juda i jana marjop ni roha ho di ari hamamagonai. Nada patut ho antong martata taran susa ia.

HABAKUK 1:15

Ditangkup bangso Babel do angka jolma dohot hail, songon dia ihan halahi pambaenna. Lalu disarat ma halahi di bagasan jala, dung i dipamasuk tu bagasan hadang-hadanganna; gabe marmoga-moga ma bangso Babel hara ni doharna.

ZAKARIA 14:12

Pamasaon ni Tuhan ma nyae na jorbut tu sude bangso na dung unjung marporang mangalo Jerusalem. Mata dohot sude pamatang ni halahi, busuk-busuk boti ma i mangolu-olu dope halahi.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.