JEREMIA 50:1 - BIBEL JAMITA NA DENGGAN

¹ On ma tona ni Tuhan tu au taringot tu kota Babel dohot halak na maringanan disi,

JEREMIA 50:1 ပူးပေါင်းရင်းမြစ်များ

PAMUNGKAAN 10:10

Anggo di mulana lalu do tu Babel, Ereh dohot tu Akad kuasonia. Di Babilonia do na tolu i.

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 11:9

Dibaen ma goar ni kota i Babel, harana disi ma disegohon Tuhan hata ni sude bangso, jana sian i ma halahi marsitondong dalanna be tu sude portibi on.

2 SAMUEL 23:2

Mangkuling do Tondi Ni Tuhan markite-hite au; tona dohot parentaNia sai di bibirku.

2 RAJA-RAJA 17:24

Laho manggonti halak Israel na dioban tu habuangan i, dibaen raja Asur ma di angka kota ni Samaria halak Babel, Kuta, Awa, Hamat dohot halak Sefarwaim. Dibuat halahi ma angka kota i jana maringanan ma halahi disi.

JOB 1:17

Inda sidung dope ia mangkobari, ro ma hatoban na patoluhon paboahon, “Tolu rombongan pasukan ni halak Kasdim ro mangarampas angka unto ni tuan i jana dibunu do angka hatoban ni tuan i. Hum sasada au ma i na malua anso adong na paboahon barita tu tuan i.”

JESAYA 14:4

Muda dung dipatulus Tuhan songon i, angkon incahan ni halahi do raja ni Babel mandok songon on: “Madung madabu raja na jahat i! Nada tarbaensa be mamparhanciti.

JESAYA 23:13

Bangso Babel do, jana nada bangso Asur na pasahatkon kota Tirus tu binatang panyoro i. Laing halahi muse do na pajongjongkon angka palas-palas pangkobuhan, mangarumpakkon angka benteng ni Tirus jana padiarkon kota i gabe tinggal sego-segona.)

JEREMIA 25:12

Dung i uhumanKu ma bangso Babel dohot rajana i hara ni dosa ni halahi. RumpakkononKu ma luat i jana padiaronKu sego sapanjangna.

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

DANIEL 1:1

Tolu taon dung mamarenta Raja Joyakim di Juda, ro ma si Nebukadnesar raja ni Babel mamorangi kota Jerusalem jana manghobuksa.

BAENON NI ANGKA RASUL 7:4

Jadi ditadingkon si Abraham ma Luat Kasdim, bungkas ma ia tu Haran. Jadi dung jumolo amang ni si Abraham, dipabungkas Debata muse ma si Abraham tu luat on, i ma na niingananmunu saonnari ale angka dongan bope hamu amanami.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

HALUMBAAN 14:8

Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”