JEREMIA 5:7 - BIBEL JAMITA NA DENGGAN

⁷ Bia do lakna, bisa dope ampunanKu hamu? Madung ditadingkon angka anakmu Au, jana marsumpa marhitehon na so debata. Dung Hupabutong halahi, marmainan do halahi jana kehe tu bagas parkarosuan.

JEREMIA 5:7 ပူးပေါင်းရင်းမြစ်များ

2 JUJUR TAON 13:9

Nada he madung diusir hamu angka malim ni Tuhan pomparan ni si Harun dohot angka halak Levi i? Sanga na ise na marpor ni roha gabe malim, i ma dibaen hamu gontina, asalkan ma ra maroban sada lombu sanga pitu biri-biri, dibaen hamu ma i malim tu na so Debata, harana songon i do antong carana dibaen angka bangso na asing mangangkat malim ni halahi. Tapi anggo hami, nada hami baen na songon i.

JOB 31:12

Songon api narako do dosa i mamusa, sandok sinadonganku abis ma ditutungisa.

MASMUR 50:18

Dipardongan ho do ganop panangko na niidamu, angka halak pangalangkup dibaen ho do gabe donganmu.”

JEREMIA 12:16

Muda ra halahi manjagit ugamo ni bangsongKu sian sandok roha ni halahi jana ra manyumpahon marhite na mandok, ‘Mangasahon Tuhan na mangolu i,’ – songon na niajaran ni halahi najolo bangsongKu marsumpa mangasahon Baal jadi gabe tarmasuk ma halahi gabe bangsongKu jana gabe maduma.

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”

JEREMIA 16:11

Paboa ma tu halahi na Hudokkon songon on, ‘Madung ditadingkon ompumunu Au laho marsomba jana mangoloi tu angka debata. Dipasiding halahi do Au jana nada ra halahi mangoloi angka TonangKu.

JEREMIA 16:20

Tarbaen jolma ma he mambaen debatana sandiri? Bia ma pambaen ni i! Pasti nada Debata na nibaenna i.”

JEREMIA 2:11

Nada jungada sada bangso manggonti debatana haru pe i nian nada Debata na satutuna. Hape anggo bangsongKu ditulak do Au jana marsomba tu na so margogo mambaen bagi aha.

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 23:10

Gok luatta on dohot jolma na markarosuan. Jahat do parngoluon ni halahi jana disalagunahon halahi do jabatanna. Hara ni bura i gabe malos ma ruput na di padang-padang jana sude luat on marhamarsahan.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 9:2

Sugari dapot au ma di padang halongonan inganan parbornginan di halak na mardalanan! Hutadingkon noma bangsongku, jana marlojong au tusi laho mandao sian halahi. Panghianat do halahi sudena, sada punguan ni halak na so setia,

ANDUNG 3:42

“Mardosa do hami jana mangalo tu Ho, ale Tuhan, jana nada dilehen Ho ampunan.

JEHESKIEL 22:11

dadaboru ni halak sanga parumaenna sanga ibotona sian ina na asing.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 7:4

Sude do halahi angka parkarosuan, songon dapur na torus marapi, hatiha tukang roti maradian pagarahon apina, dompak mambaen adonan dope ia.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

AMOS 8:14

Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

1 KORINTUS 8:4

Anggo taringot tu na mangankon sipanganon na dung nihaulkon tu gana-ganaan, taboto do, nada adong satutuna anggo na nigambarkon ni gana-ganaan i. Jana tangkas do taboto, anggo Debata hum sada sajo do; nada adong be na asing.

GALATIA 4:8

Najolo nada ditanda hamu dope Debata, jadi hara ni i ma umbaen na gabe hatoban hamu di angka kuaso na nidok ni halak songon debata hape nian nada tutu Debata.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:21

Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

JOSUA 23:7

Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i.