JEREMIA 5:31 - BIBEL JAMITA NA DENGGAN

³¹ Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 5:31 ပူးပေါင်းရင်းမြစ်များ

1 RAJA-RAJA 22:6

Jadi dipalagut si Ahab ma hira-hira opat ratus halak panurirang jana disapai ia ma tu halahi, “Tola dehe kehe au mamorangi Ramot sanga nada?” “Tola do!” ning halahi. “Lehenon ni Tuhan do hamonangan tu raja i.”

PODA 17:4

Parjahat mangihutkon usul na jahat, pargabus mangihutkon gabus dohot ginjang ni dila.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 20:6

Dokkonon ni halak na mangingani topi laut na di Pilistin ma hatiha i, ‘Ligi pe da na masa i tu bangso na tapangasahon i laho mangondihon hita maradopkon raja ni Asur. Bia dope pambaenna malua hita on?’ ”

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JESAYA 43:27

Ompumu na parjolo i pe madung mardosa, angka raja parhatamunu pe madung mangalaosi.

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 14:14

Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 26:7

Sude na hudokkon i di Bagas Ni Debata, dibege angka malim i angka panurirang dohot halak na bahat.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 2:14

Na niturihon ni angka panurirang tu ho, hum gabus do i jana buras sajo. Paoto-oto hamu do angka hata ni halahi, nada jungada dipatorang halahi dosamunu i, gabe nada dipauba hamu rohamunu. Didokkoni halahi do angka hata gabus na paliluhon hamunu.

ANDUNG 4:13

Tapi madung tarjadi na songon i, hara ni dosa ni angka malim dohot panurirang. Manduruskon mudar do halahi, mudar ni halak na so marsala muse do i.

ANDUNG 4:18

Nada tarbaen hami ruar tu alaman, hara ni panjago ni alo na rongkingan. Dapot ma da ajalnami, madung marujung ari-arinami.

JEHESKIEL 13:10

Hamu angka panurirang pargabus! Madung dipalilu hamu bangsongKu marhite hata na nidokmunu, aman jana beres do sude. Hape saotik pe nada tutu songon i! Dipajongjong bangsongKi do tembok jana di baen halahi hapurna.

JEHESKIEL 13:6

Angka na so tutu do parnidaan ni halahi jana angka alatan ni halahi pe gabus sajo do. Pandok ni halahi tona sian Tuhan do na nioban ni halahi, hape Tuhan sandiri so jungada manyuru halahi. Bia ma he parjadina arop roha ni halahi tarjadi alatan ni halahi?

JEHESKIEL 22:14

Puluk dope he ulaning sanga margogo dope ho mangangkat tanganmu dung sidung Huuhumi ho? Au Tuhan Debata madung mandok songon i, jana patulusonKu do sanga aha na dung Hudok.

HOSEA 4:9

Jadi gabe markancit noma hamu laing songon rayat i! UhumanKu ma hamu hombar tu angka pambaenanmunu.

HOSEA 6:10

Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.

HOSEA 9:5

Di angka ari pesta ni ugamo, nada adong tarbaen hamu laho manghagodangkon ari i.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MIKA 2:6

Marjamitai angka jolma tu au, mandok, “Ulang be marjamita ho tu hami. Ulang jamitahon sudena i tu hami. Nada ra Debata pailahon hami.

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

ZEPANYA 3:4

Nada adong idaon tanggung jawab ni angka panurirang ni halahi jana panghianat do halahi. Angka malim na manghodari na badia, jana mamparmayam-mayamkon tona.

PANGARATAION 32:20

Didok ma, ‘Nada parduli Au di halahi, bangso sijogal roha na so setia i.’

PANGARATAION 32:29

Nada diastuisa biasi talu halahi; nada mamoto sude na masa i.