JEREMIA 5:27 - BIBEL JAMITA NA DENGGAN

²⁷ Songon parburu unggas na pamasuk unggas tu karanjangna, songon i muse ma halahi mangisi bagas ni halahi dohot angka barang-barang na ditipu. Songon i ma dalanna gabe markuaso jana mamora halahi;

JEREMIA 5:27 ပူးပေါင်းရင်းမြစ်များ

JOB 12:6

Hape ngolu ni panyamun so adong mangondam. Angka na puluk mangalo Debata mangolu do soada mara. Hape debata sisoada do diasangkonsa, i ma pos ni rohana hum tu gogona.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 8:5

Hape anggo hamu bangsongKu, biasi ditadingkon hamu Au, jana nada ra mulak tu Au? Ditulak hamu do Au jana togu hamu marsitiopan tu gana-ganaanmunu i!

HOSEA 12:9

‘Saonnari mamora hita,’ ninna halahi, ‘Maruntung hita! Sahalak pe nada adong tarbaen manudu hita dapotan hamoraon i sian dalan na geduk.’

MIKA 1:12

Sak do roha ni halak Marot mararop roha di pangurupion, dibaen madung lalu parmaraan godang na sian Tuhan di jolo ni pintu horbangan ni Jerusalem.

ZEPANYA 1:9

UhumanKu ma sandok halak na marsomba songon na so mananda Au, dohot na manangko jana mamunu jolma laho manggohi bagas ni tokena dohot angka barang na dirampas.”

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.