JEREMIA 5:26 - BIBEL JAMITA NA DENGGAN

²⁶ O hamu bangsongKu, adong do sian tonga-tongamunu angka halak na jahat. Songon halak na manaon sambil laho manangkup unggas, songon i ma ditaon halahi jorgong laho manangkup jolma.

JEREMIA 5:26 ပူးပေါင်းရင်းမြစ်များ

MASMUR 64:5

Togu do halahi marsitiopan tu sangkap na jahat na nibaenna; marpokat halahi laho manaon tirangkap, jana marpikir nada adong halak marnidasa.

PODA 1:11

Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEREMIA 18:22

Suru ma tompu ro angka panyamun tu bagas ni halahi anso mangangguhi halahi hara ni songgotna. Madung dihuar halahi godung anso madabu au tu bagasan, jana ditaon halahi jorgong laho manangkup au.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 9:8

Gok parmaraan do angka hata ni halahi, tarbaen mamatehon songon pana na marbisa. Hum gabus sajo do hata ni halahi. Tabo do hata ni halahi manarik tu roha, hape anggo satutuna na manaon sambil do halahi.

MIKA 6:10

Di angka bagas ni halak parjahat, marpungu ma sinadongan na dapot sian dalan na so patut. Dipake halahi do parsuhatan na pargabus, i ma sada parbuatan na sai Huhagigihon.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

LUKAS 5:10

Laing songon i muse ma angka dongan ni si Simon, i ma si Jakobus dohot si Johannes dakdanak ni si Zebedeus. Didok Jesus ma tu si Simon, “Ulang ho mabiar! Mamungka saonnari gabe sijala jolma noma ho.”