JEREMIA 5:24 - BIBEL JAMITA NA DENGGAN

²⁴ Nada unjung diingot hamu laho pasangapkon Au, hape Au do nian na manongos udan, mamungka sian bona ni ari nonat lopus tu ujungna; laing Au muse do na mangalehen masa ni sabion di hamu ganop taon.

JEREMIA 5:24 ပူးပေါင်းရင်းမြစ်များ

PAMUNGKAAN 8:22

Salolot adong tano on, tongtong ma masa suanon dohot sabion, ari ngali dohot ari las, logo ni ari dohot nonat, arian dohot borngin.”

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

JOB 29:23

Marjop roha ma sudena manjaluangi angka hatangku, songon partani manyambut udan di musim bunga.

JOB 38:37

Ise ma he na tuk malo mangetong ombun jana na pabalikkonsa gabe mijur udan,

JOB 5:10

Diparo Ia udan tu tano, mandurus ladang mambornok padang.

MASMUR 147:8

Ia do pahembangkon ombun di ginjang an, parohon udan di tano jana patubu duhut di dolok.

MASMUR 65:9

Dilehen Ho do udan tu tano jana tongtong dipature Ho, napu dibaen Ho gabe bahat suhana. Digohi Ho do angka batang aek bubung dohot aek, gabe marsuha maradu bahat.

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JEREMIA 10:13

Hum parenta do dilehen Ia, gumadobur ma aek ni parlangitan dipanaek Ia ombun sian ujung ni tano on. Dibaen Ia hilap na margurasa di bagasan udan, ditongos Ia alogo sian panyimpananna.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

JEREMIA 50:5

Sapaan ni halahi ma dalan tu Sion, lalu mardalan ma halahi sabola tusi. Baenon ni halahi ma parjanjian na hot dohot Au jana nada langgaron ni halahi janji i.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

AMOS 4:7

Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

ZAKARIA 10:1

Pangido hamu ma tu Tuhan udan di hatiha pangkuron! Tuhan do na mambaen ronggur manyoro, lehenonNa tu halahi dohot udan tu ganop suan-suanan di ladang.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

PANGARATAION 28:12

Paroon ni Tuhan ma udan di hatihana sian inganan panyimpananna na bubung di langit. PasupasuonNia ma sude karejomunu, jana gabe tarbaen ho ma painjamkon tu bahat bangso tapi indangkon sai manginjam ho sanga na sian ise.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.