JEREMIA 5:23 - BIBEL JAMITA NA DENGGAN

²³ Tapi anggo hamu jogal do rohamunu jana sai mangalo; madung manyimbil hamu jana ditadingkon hamu Au.

JEREMIA 5:23 ပူးပေါင်းရင်းမြစ်များ

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JESAYA 31:6

“Hamu bangso Israel! Madung mardosa hamu jana mangalo hamu tuSia. Tapi saonnari, mulak ma hamu!

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 4:17

jana hobuhon ni halahi ma Jerusalem songon halak na manjago ladang. Patunda ni na mangalo ma Juda maradopkon Tuhan umbaen na tarjadi sudena i. Madung didok Tuhan songon i.

JEREMIA 5:5

Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

HOSEA 4:8

Gabe mamora do hamu hara ni dosa ni bangsongKi, i ma dalanna dihagioti hamu anso torus halahi mardosa.

ZEPANYA 3:1

Marjaya ma si pangalo dohot si jurngit, ale kota na jotjot mamparkanciti, kota na jurngit na sai mangalo tu Tuhan dohot na mamisat halakna sandiri!

PANGARATAION 21:18

“Adong ma umpamana anak halaklahi na jogal roha, sai mangalo jana nada ra mangihutkon na nidok ni simatobangna haru pe nian na dung dipincang halahi ia.

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!