JEREMIA 5:22 - BIBEL JAMITA NA DENGGAN

²² Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

JEREMIA 5:22 ပူးပေါင်းရင်းမြစ်များ

PAMUNGKAAN 1:9

Dung i mangkuling ma Debata, “Marpungu ma aek na di toru ni langit i tu sada inganan, lopus tarida tano i” gabe jadi ma songon i.

1 RAJA-RAJA 13:28

kehe ma ia jana di dapot ia ma bangke ni panurirang na sian Juda i laing payak di dalan i jana di lambungna i halode dohot singa i. Umpe dihahua singa i bangke i dohot halode i.

JOB 26:10

Digombar Ia simaningko di sisik ni lautan, manyirang na torang sian hagolapan.

JOB 37:24

I ma da dalanna anso sude jolma pasangapkon Ia, jana sanga ise na mandok dirina marbisuk, nada be i diterge ia.”

JOB 38:8

Ise dehe na manutup pintu laho manambok laut bidang muda marbual aek i ruar sian butuha ni tano?

MASMUR 104:9

Ditontuhon Ho batas na so tola bolusonnia, anso ulang be mangulahi bonom tano on.

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

MASMUR 33:7

Sude aek laut dipalagut Ia di sada inganan, ditahan Ia laut na bidang anso ulang jabat marlobian.

MASMUR 46:3

Haru pe mangarintiki jana margalumbang laut, jana humutur angka dolok dibaen panondongna.

MASMUR 99:1

Raja do Tuhan, marhabangsa di ginjang ni kerub; humitir angka bangso portibi pe lumalo-lalo.

PODA 8:29

di na niparentahonNa galumbang ni laut anso ulang salpu di angka batasna. Au pe dohot do disi di na mamayakkon ojahan ni portibi.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

JESAYA 64:2

songon api na mambaen soban marjimbur jana na mambaen muse aek gabe gurgur. Pataridahon ma kuasoMu tu musuMu, anso manyikur angka bangso di joloMu.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

JEREMIA 10:7

Ise ma he na so mabiar marnida Ho, ale Raja ni sandok bangso? Tutu ma da, Ho do na patut sipujion jana na patut pasangapon. Sian sandok na pistar di tonga-tonga ni angka bangso dohot sian sude angka raja ni halahi, sahalak pe nada adong martudosan tu diriMu ale Tuhan.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

DANIEL 6:26

Dung i ditongos Raja Darius ma surat tu angka jolma sian sandok bangso, marga ni bangso dohot hata na marragam-ragam na di tano on sudena. Ninna ma, “Sai martamba ma di hamu rasoki!

AMOS 4:12

Hara ni i, ale halak Israel, uhumanKu ma hamu. Antong marhobas ma hamu mangadopi uhumanKu!”

AMOS 9:6

Dibangun Tuhan do bagasNia di langit i dao, dibaen Ia ojahan ni kubah di ginjang tano. Aek na sian laut ditimba Ia tu darat, Tuhan do na mambaen i sudena.

JUNUS 1:16

Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.

NAHUM 1:4

Diondam Ia laut jana dipahiang Ia, sude batang aek di pahiang Ia. Gabe harsang Dolok Karmel dohot angka padang na di Basan jana di Libanon malos ma sude angka bunga.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MARKUS 4:39

Ngot ma Jesus, digorahon ia ma alogo i. Didok Ia ma, “So ma ho, pasonang ma!” Jadi so ma alogo i, manigor sonang sajo ma sude.

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

PANGARATAION 28:58

Muda nada dihaburjuhon ho mangoloi sude pangajaran ni Tuhan Debatamunu na tarsurat di bagasan buku on, jana nada dipasangap ho goar ni Tuhan Debatamunu na marmulia jana hahomangan i,

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”