JEREMIA 5:19 - BIBEL JAMITA NA DENGGAN

¹⁹ Tapi muda sapa-sapa halahi sanga hara ni aha umbaen na songon i Hubaen tu halahi, dokkon ma ale Jeremia tu halahi sanga songon dia panadingkon ni halahi di Au di tano ni halahi sandiri laho mangoloi angka debata na asing, laing songon i muse ma halahi gabe hatoban ni angka halak na asing di luat na leban.”

JEREMIA 5:19 ပူးပေါင်းရင်းမြစ်များ

JEREMIA 13:22

Betak sapa-sapa hamu biasi ro i tu hamu, biasi disibakkon pakeanmunu jana dibaen tu hamu roha-rohana. Patut angkon botoonmunu, patunda ni na magodangtu do dosamunu umbaen na tarjadi sudena i.

JEREMIA 16:13

Hara ni i, paorotonKu noma hamu sian luat on jana buangonKu tu sada luat na asing situtu di hamu dohot di ompumunu. Anggo disi arian na borngin mangoloi tu angka debata na leban noma hamu, jana nada maribo ni roha be Au mida hamu.’ ”

JEREMIA 17:4

Paksaonna ma hamu pasahatkon tano na dung Hupasahat i tu hamu, jana baenonKu ma hamu mangoloi tu musumunu di tano na so nitandamunu. Hara ni murukKu na marjimbur songon api na gara jana na so haintopan ma umbaen na songon i Hubaen sudena i.”

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 2:14

“Nada hatoban Israel, nada muse pomparan ni hatoban. Tapi biasi sai diayak-ayak alona ia?

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

JEREMIA 5:18

Didok Tuhan, “Haru pe songon i, di hatiha i pe nada pola abiskononKu bangsongKi.

JEREMIA 5:20

Disuru Tuhan ma au palaluhon tona on tu pomparan ni si Jakob na maringanan di Juda.

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEREMIA 9:13

Dialusi Tuhan ma, “Patunda ni bangsongKu ma i na so ra marrohahon angka pangajaran na Hulehen tu halahi. Nada unduk halahi tu Au, jana nada ra mangihutkon parentangKu.

ANDUNG 5:8

Diparenta angka hatoban noma hami nada adong na margogo palua hami sian halahi.