JEREMIA 5:17 - BIBEL JAMITA NA DENGGAN

¹⁷ Pangabison ni halahi ma suha ni tano dohot panganonmunu jana bunuonna ma angka dakdanakmunu. Sambolon ni halahi ma angka lombu dohot pahan-pahananmunu, jana segohonon ni halahi ma angka kobun anggur dohot bona ni hayu aramunu. Roncohonon ni halahi ma angka kota na marbenteng na sai dipangasahon hamu.

JEREMIA 5:17 ပူးပေါင်းရင်းမြစ်များ

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JESAYA 62:9

Tapi hamu na manyuan dohot na palagut suhana, panganonmunu ma suhana jana pujionmunu ma Tuhan. Hamu na palagutkon batu ni anggur, inumonmunu ma aekna di alaman ni BagasKu.”

JESAYA 65:22

Nada pajongjongon ni halahi bagi aha, anso halak na asing manginganisa, jana nada suanon ni halahi bagi aha, anso halak na asing mangankon parbatuna. Angke umur ni bangsongKu angkon saginjang ni umur ni hayu, jana angka halak na Hupili angkon mandai suha ni parkarejoan ni tanganna.

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 4:26

Huligi ma, tano na napu hian madung jadi padang halongonan, jana angka kotana madung maronco di jolo ni Tuhan di jolo ni rimasNa na marjilam-jilam. (

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 5:18

Didok Tuhan, “Haru pe songon i, di hatiha i pe nada pola abiskononKu bangsongKi.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEREMIA 8:13

“Por sajo do nian rohangKu palagutkon bangsongKu songon halak na palagutkon suha ni tanona; hape songon bona ni anggur dohot bona ni hayu ara na so marbatu do bangsongKu; dohot bulungna pe tehe ma pola marmalosan. Hara ni i ma umbaen na Hupaloas halak na leban ro jana mangarajai luat ni halahi.”

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

ANDUNG 2:12

Martangisan halahi mangido panganon tu inangna. Songon halak na margasa halahi, tinggang noma lalu mate di ampuan ni inangna.

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

JEHESKIEL 36:4

Hara ni i, ale angka dolok ni Israel, tangihon ma hata ni Tuhan Debata tu angka dolok dohot tor, tu angka batang aek dohot rura, tu angka inganan na dung sego jana na mamolngit dohot tu angka kota na dung tarulang, na dung gabe siincahan ni angka bangso na humaliangna;

HOSEA 2:12

MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

JOEL 2:3

Dijolona api na manutung jana mambaen marmosohan dipudina gara ni api nada mar na mintop. Tano na dijolona songon kobun Eden, tapi dipudina songon halongonan na gariang jana nada adong na malua.

HAMALIMON 26:16

uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

ZEPANYA 3:6

“Ma pola bahat angka bangso na mago Hubaen; Huroncohon angka tugu ni halahi na gincat i, Husegoi dalanna lopus nada adong be pamolus, madung dipagariang kota ni halahi nada adong be pangisina.”

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.