JEREMIA 5:15 - BIBEL JAMITA NA DENGGAN

¹⁵ O hamu halak Israel, madung diparo Tuhan sada bangso sian na dao laho mamorangi hamu. Na dung adong hian do bangso i sian narobi ni narobi, nada diboto hamu hata ni halahi. Sun do gogo ni halahi,

JEREMIA 5:15 ပူးပေါင်းရင်းမြစ်များ

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

MASMUR 81:5

Dilehen do parenta i tu bangso Israel dompak na mangaroro Debata mangalo Mesir. Hubege do sora na so unjung hian dope hubege na salpu i,

JESAYA 28:11

Anggo nada ra hamu manangihon na hudok, suruon ni Tuhan noma halak na asing pangkulingna dohot pangkobarna laho mangajar hamu.

JESAYA 29:3

BaenonKu noma undung-undungKu di sude luat ni kota i giot mamorangi ho, jana laho mambuat inganan-inganan panjago laho mamata-mata i ho, jana pajongjongonKu ma angka kandang manghobuk ho.

JESAYA 29:6

paluaon ni Tuhan Na Markuaso i kota i marhite bade dohot lalo na gogo. ParoonNia halingsungsung dohot api na marjembur-jembur.

JESAYA 33:19

Indangkan na idaonmunu be angka halak na asing na jorbong i manghobari di hata na so niastuanmunu.

JESAYA 39:3

Dung i ro ma Panurirang Jesaya mangadop tu Raja Hiskia lalu marsapa, “Isi ni dia dehe angka halak on? Aha didok halahi?” Dialusi si Hiskia ma, “Sian sihadaoan do halahi, sian Babel.”

JESAYA 5:26

Baenon ni Tuhan ma sada tanda giot mamio bangso sian na dao. Mandosik ma Ia mamio halahi sian angka ujung ni tano on. Marroan ma halahi tibu jana hipas.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 2:26

Didok Tuhan, “Songon ila ni roha ni panangko di na tartangkup, songon i ma hamu sude maila, ale halak Israel, angka raja maradu angka na marpangkat, angka malim maradu angka panurirangmu!

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 4:16

Laho paingotkon angka bangso do haroro ni halahi dohot paboahon tu halak Jerusalem na dung ro musu sian luat na dao. Marsurak-surak ma halahi mandok hata ni porang maradopkon angka kota ni Juda,

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

JEREMIA 6:22

Songon on ma didok Tuhan, “Satutuna, giot ro ma sada bangso sian Utara, sada bangso na godang hobas sian suhi ni tano on.

JEHESKIEL 18:31

Antak hamu ma sude hajahatan na nibaenmunu jana paimbaru hamu ma roha dohot pikiranmunu. Biasi angkon gumonan hamu mate?

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

AMOS 6:14

Didok Tuhan, Debata Na Markuaso i sandiri do, “Ale halak Israel, tongosonKu ma tentara sian sada luat na asing laho mamparhanciti hamu. Sosahon ni halahi ma hamu sian dalan laho tu Hamat di Utara lopus tu Rura Araba di Selatan.”

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

1 KORINTUS 14:21

Tarsurat do di Buku Na Badia i, songon on: “Didok Tuhan do, ‘Manghatai ma Au tu bangso on markite-hite pamangan ni halak na asing, i ma halak na mangkobari di bagasan hata na asing. Tapi haru songon i pe laing so ditangihon halahi do Au, ninna Tuhan i.’ ”

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:49

Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.