JEREMIA 5:10 - BIBEL JAMITA NA DENGGAN

¹⁰ SuruonKu ma musu i laho manyegohon kobun anggur ni halahi, tapi nada jabat pola mambaen buang kobun i. SuruonKu ma musu i manggotap ranting ni angka bona ni anggur ni halahi, angke nada Au antong nampuna angka rantingna i.

JEREMIA 5:10 ပူးပေါင်းရင်းမြစ်များ

2 JUJUR TAON 12:4

Dirampas ia ma angka kota na marbenteng di Juda lalu maju ma ia lopus tu Jerusalem.

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 30:11

Angke dongananKu do ho ninna Tuhan, anso Hupalua ho: PangabisonKu ma angka bangso inganan parserahanmunui, tapi anggo ho nada pangabisonKu. AjaranKu ma ho di bagasan uhum; jana nada dohononKu ho na so marsala.”

JEREMIA 39:8

Disurbu angka halak Babel i muse ma bagas godang ni raja i dohot angka bagas ni rayat lalu diparrumpakkon ma angka tembok ni Jerusalem i.

JEREMIA 4:27

Pandok ni Tuhan angkon gabe padang halongonan do sude luat on, tapi nada segohononNia.)

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

JEREMIA 5:11

Tutu situtu do na dung mangalayasi halak Israel dohot Juda tu Au. Au Tuhan, madung mandok songon i.

JEREMIA 5:18

Didok Tuhan, “Haru pe songon i, di hatiha i pe nada pola abiskononKu bangsongKi.

JEREMIA 5:9

Nada he patutna ma angkon uhumanKu halahi jana baloskonon sandok na nibaen ni halahi?

JEHESKIEL 12:16

Adong do saotik sian halahi na giot paluaonKu sian parporangan, sian tangkuraparon dohot nyae, anso diboto halahi di tonga-tonga ni bangso sileban i hajorbuton ni pambaenan ni halahi. Jadi okuon ni halahi ma disi, Au do Tuhan.”

JEHESKIEL 14:17

Bolas jadi do Huparo porang tu luat i, lalu ningKu do, abisi ma tano i ho ale podang, gabe abis Hubaen sian i jolma dohot pahan-pahanan.

HOSEA 1:9

Dung i didok Ia ma, “Baen ma goar ni anakmi si Lo-Ami, angke nada bangsongKu be hamu, jana nada Debatamunu Au.”

AMOS 9:8

Satutuna, madung dipamanat Tuhan Debata harajaan na mardosa on, jana agohononKu noma i sian sisik ni tano on. Tapi anggo pomparan ni si Jakob nada sude abiskononKu. Au Tuhan Debata madung mandok songon i.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.