JEREMIA 49:8 - BIBEL JAMITA NA DENGGAN

⁸ Hamu ale halak Dedan, marbalik ma hamu lalu maporus! Kehe ma hamu martabuni. PatimpasonKu ma pomparan ni si Esau, dibaen madung dapot hatihana giot uhumanKu halahi.

JEREMIA 49:8 ပူးပေါင်းရင်းမြစ်များ

JESAYA 21:13

On ma alatan taringot tu Arab: O hamu halak Dedan, na pajongjong undung-undung parbornginan do parjagal-jagal i di kota ni halak Arab.

JESAYA 34:5

Madung mangamuk podangKu di langit, jana saonnari honaan ni podang i ma bangso Edom na hona uhum i jana abiskonon noma i.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 48:28

Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.

JEREMIA 48:44

Halak na malua sian ogor-ogor madabu ma i tu bagasan lubang, jana halak na haruar sian lubang i, alit muse ma i baenon ni jorat. Tarjadi do sudena i hara ni na dung Hutontuhon hatihana laho mangaroncohon Moab.

JEREMIA 48:6

Didok halahi, ‘Ompoti! Palua hosamu! Lojongi songon halode riar di halongonan!’

JEREMIA 49:30

O hamu halak Hasor! Au Tuhan mandok: Ompoti hamu ma kehe mangungsi dohot martabuni. Madung martahi si Nebukadnesar raja ni Babel laho manyaroso hamu. Didok ia,

JEREMIA 49:32

Didok Tuhan muse dope tu si Nebukadnesar, “Rampasi ma angka unto dohot pahan-pahanan ni halahi! PaserahonKu ma sun tu dia angka jolma na marpangkas pendek i. ParoonKu noma parmaraan godang tu halahi sian sude.

JEREMIA 50:27

Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEHESKIEL 25:13

Hara ni i Hubaen boa-boa na giot uhumanKu Edom jana bunuonKu ganop jolma dohot sandok pahan-pahanan na adong disi. Mamolngit baenonKu sude tano i, sian kota Teman lopus tu kota Dedan; marmatean ma halahi hara ni podang.

MALEAKI 1:3

hape sego do rohangKu anggo mida si Esau dohot pomparannia. Huroncohon do tano partoran ni si Esau, jana Hupasahat tanona i tu angka binatang panyoro.”

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.

HAKIM-HAKIM 6:2

Jana hara ni gogona halak Midian i, markehean ma halak Israel martabuni tu angka liang dohot tu angka inganan na asing na aman di angka dolok.

1 SAMUEL 13:6

Dung i dipungka halahi ma mangaroro marsitutu mamorangi halak Israel, jabat do tarsosak situtu halak Israel. Deba sian halahi martabuni ma di gua dohot di liang ni dolok sanga di rigang ni batu mamak, sanga di bagasan sumur dohot di lubang ni tano,