JEREMIA 49:36 - BIBEL JAMITA NA DENGGAN

³⁶ OmbuskononKu ma alogo tu Elam sian sasudena, jana paserahonKu halakna i sun tu dia lopus sada harajaan pe nada adong be na so ditopot angka pangungsi na sian Elam i.

JEREMIA 49:36 ပူးပေါင်းရင်းမြစ်များ

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 49:32

Didok Tuhan muse dope tu si Nebukadnesar, “Rampasi ma angka unto dohot pahan-pahanan ni halahi! PaserahonKu ma sun tu dia angka jolma na marpangkas pendek i. ParoonKu noma parmaraan godang tu halahi sian sude.

JEHESKIEL 5:10

Panganon ni ama-ama ma dakdanakna sandiri jana dakdanak mangankon simatobangna. Songon i ma uhumanKu halahi, jana na tinggal i paserahonKu sun tu dia.

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

DANIEL 11:4

Tapi santongkin dope ia mamarenta, mabola ma harajaannia gabe opat bagian mangihutkon haroro ni alogo sian langit, nada madabu tu pinomparna, jana nada markuaso songon ia, angke madabu do harajaannia, gabe harajaan ni halak na asing. Angka raja na so sian pomparannia noma mamarenta manggonti ia jana nada songon ia gogo ni halahi.

DANIEL 8:22

Tanduk na opat na ruar dung maponggol tandukna na parjolo i, astuanna tarbagi opat ma harajaan Junani, tapi sada pe nada adong be songon gogo ni harajaan na parjolo i.

DANIEL 8:8

Gabe ginjang ma roha ni hambeng jantan i. Tapi dung lalu ia tu puncu ni kuasonia maponggol ma tanduknia na godang i, jana di hatubuanna hian, tubu ma muse opat tanduk, hombar tu opat haroroan ni alogo sian langit.

AMOS 9:9

BaenonKu ma parenta jana piaranna ma bangso Israel songon pamiari ni halak di gandum di bagasan anduri. Laho pasidingkon sude na so marguna sian tonga-tonga ni halahi, hursuhonKu ma halahi di tonga-tonga ni angka bangso.

ZAKARIA 6:5

Dialusi ia ma, “Halahi ma da na haruar tu opat jurusan ni alogo, dung sidung halahi mangadop tu Tuhan ni sude tano on.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

HALUMBAAN 7:1

Dung i huida ma opat surusuruan jongjong di suhi-suhi na opat ni tano on manahan angin na opat i di tano on anso ulang mangombus di darat, di laut sanga tu bona ni hayu aha pe.